ورلڈ کپ2015ء :جنوبی افریقہ نے آئر لینڈ کو 201رنز سے شکست دیدی
منگل 3 مارچ 2015 15:59
کینبرا (اردو پوائنٹ تازہ ترین اخبار 3مارچ ۔2015ء ) آئی سی سی ورلڈ کپ2015ء کے 24ویں میچ میں جنو بی افریقہ نے آئر لینڈ کو201رنز سے شکست دیدی ۔ منوکا اوول ،کینبرا میں کھیلے گئے میچ میں جنوبی افریقہ نے ٹاس جیت پر پہلے کھیلتے ہوئے مقررہ 50اوورز میں 4وکٹوں کے نقصان پر 411رنز بنائے ۔ جنوبی افریقہ کا آغاز اچھا نہ تھا اور ڈی کوک 1رن بنا کر آؤٹ ہوئے تاہم ڈو پلیسی اور ہاشم آملا نے دوسری وکٹ کے لیے 247رنز کی شراکت داری قائم کی اور اس دوران ہاشم آملانے اپنے کیریئر کی 20ویں اور ڈوپلیسی نے چوتھی سنچری سکور کی ۔
آملا 159اور ڈوپلیسی 109رنز بنا کر آؤٹ ہوئے ۔ اے بی ڈیویلیئز بھی 24رنز بنا کر پوویلن لوٹ گئے تاہم روسوو اور ملر نے 5ویں وکٹ کی شراکت میں محض 53گیندوں میں 110رنز بنا کر جنوبی افریقہ کا سکور 411رنز کر دیا ۔(جاری ہے)
روسوو 61اور ملر 46رنز بنا کر ناٹ آؤٹ رہے ۔ آئرلینڈ کی جانب سے میک برائن نے 2جبکہ سورسمین اور کیون اوبرائن نے 1،1کھلاڑی آؤٹ کیا ۔ آئر لینڈ کیخلاف 400رنز بنا کرجنوبی افریقہ مسلسل دو میچز میں حریف ٹیموں کیخلاف چار سو رنز بنانے والے دنیا کی واحد ٹیم بن گئی ہے جبکہ پروٹیز ٹیم نے بھارت کا ایک روزہ کرکٹ میں سب سے زیادہ 5مرتبہ 400رنز بنانے کا ریکارڈ بھی برابر کردیا ہے ۔
412رنز کے ہدف کے تعاقب میں آئرش ٹیم کا کوئی بلے باز جنو بی افریقہ کا ڈٹ کرمقابلہ نہ کر سکا اور پوری ٹیم 45اوورز میں 210رنز بنا کر ڈھیر ہوگئی ، آئر لینڈ کی جانب سے بالبرائن 58اور کیون اوبرائن 48رنز کے ساتھ نمایاں بلے باز رہے ۔ جنوبی افریقہ کی جانب سے کا ئل ایبٹ نے 4،مورنے مورکل نے 3، ڈیل سٹین نے 2اور ڈیویلیئرز نے 1کھلاڑی کو آؤ ٹ کیا ۔ پروٹیز اوپنر ہاشم آملا کو شاندار سنچری سکور کر کے میچ کا بہترین کھلاڑی قرار دیا گیا ۔ اس میچ میں شکست کے بعد آئرلینڈ کی کوارٹر فائنل مرحلے تک رسائی کی امیدیں بری طرح متاثر ہوئی ہیں کیونکہ 201 رنز سے ہارنے کے بعد ان کا رن ریٹ انتہائی کم ہو گیا ہے جو یقیناً تشویشناک بات ہے۔ اب پاکستان بدھ کو متحدہ عرب امارات کو شکست دے کر اپنا رن ریٹ بہتر بنا لے گی تو دوسری جانب آئرلینڈ کو اپنے دونوں میچ زمبابوے اور پاکستان جیسے مشکل حریفوں سے کھیلنے ہیں اور انہیں دونوں ہی میچوں میں فتح کی ضرورت ہو گی۔متعلقہ عنوان :
مزید کھیلوں کی خبریں
-
عثمان خان، فخر زمان ٹی ٹونٹی میں تیسرے نمبر پر کھیلنے کی دوڑ میں شامل
-
پی سی بی کے زیر اہتمام پریذیڈنٹ کپ ون ڈے ٹورنامنٹ (کل) سے راولپنڈی اور ایبٹ آباد میں شروع ہو گا
-
قومی نیٹ بال چیمپئن شپ 27جون سے اسلام آباد میں کھیلی جائے گی
-
پاکستان ماسٹر ٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
سارو گنگولی نے ویرات کوہلی اور روہت شرما کی ٹی ٹونٹی ورلڈ کپ میں ہندوستان کیلئے اوپننگ کی حمایت کردی
-
کیا حارث رؤف ٹی ٹونٹی ورلڈ کپ 2024ء کھیلیں گے؟
-
انگلش میدان پاک بھارت ٹیسٹ سیریز کی میزبانی کے خواہشمند
-
جاوید آفریدی نے بابراعظم سے کیا وعدہ پورا کردیا
-
شاہین آفریدی نے رضوان کو ٹی ٹونٹی کرکٹ کا بریڈ مین قرار دے دیا
-
ویرات کوہلی بیٹ ٹوٹنے پر رنکو سنگھ پربرس پڑے
-
چندی گڑھ ، ویراٹ کوہلی بیٹ ٹوٹنے پررنکو سنگھ پربرس پڑے
-
جان لینارڈ سٹرف نے بی ایم ڈبلیو ٹینس چیمپئن شپ جیت لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.