پنجاب میں جانوروں کی تعداد ساڑھے چھ کروڑ سے تجا وز کر گئی
بدھ 4 مارچ 2015 13:37
فیصل آباد(اُردو پوائنٹ اخبار تازہ ترین۔04مارچ۔2015ء) پنجاب میں جانوروں کی تعداد ساڑھے چھ کروڑ سے زائد ہے ان جانوروں کی سبز چارے کی ضروریات کو پور اکرنے کے لیے تقریباً 50لاکھ ایکڑ رقبہ پر چارہ جات کاشت ہوتے ہیں۔22لاکھ ایکڑ رقبہ پر خریف چارے کاشت ہوتے ہیں ۔مئی اور جون کے مہینوں میں جب ربیع چارے ختم ہوچکے ہوتے ہیں تو سبزچارے کی کمی شدت اختیار کرجاتی ہیں اس کمی کو پورا کرنے کے لیے چارہ جواریا چری ،روڈ گراس ، گنی گھاس ، مارٹ گراس باجرہ ، مکئی ،سدا بہار،رواں اور گوارہ مارچ میں اگیتی کاشت بہت ضروری ہے۔
زرعی تحقیقاتی ادارہ چارہ جات سرگودھا کے زرعی ماہرین نے کاشتکاروں کو سفارش کی ہے کہ وہ خریف چارہ جات کی کاشت وسط مارچ سے شروع کریں ۔ کاشت کار چاروں کی کاشت سے قبل جہاں منصوبہ بندی کریں تاکہ چارہ جات کی فی ایکڑ پیداوار میں خاطر خواہ اضافہ ہو ۔(جاری ہے)
کاشت کار خریف چاروں کی کاشت سے قبل صحیح زمین کا انتخاب کریں اور اس کو اچھی طرح تیار کرکے چارہ جات کی مختلف منظور شدہ اقسام کی کاشت کریں ۔
اچھے بیجوں کے ساتھ کھادوں کے متناسب اور مناسب استعمال اور بروقت آبپاشی کے ذریعے خریف چاروں کی فی ایکڑ پیداوار میں دو سے تین گنا اضافہ کریں ۔ خریف چاروں کی کاشت مارچ کے آخر سے لے کر اگست تک جاری رہتی ہے ۔خریف چاروں کی اگیتی اور پچھیتی کاشت سے کاشتکار جانوروں کے لیے چاروں کی کمی کے ادوار مئی جون اور اکتوبر نومبر میں زیادہ چارہ حاصل کرسکتے ہیں ۔ رقبہ کے لحاظ سے خریف چاروں میں جوار ، سدا بہار ، باجرہ ، مکئی ، گوارہ ، رواں ، مالٹ گراس، روڈزگھاس اور گنی گھاس بڑی فصلیں ہیں۔جے ایس 263،جے ایس 2002اور جوار 2011 چری کی منظور شدہ اقسام ہیں۔ان کی پیداواری صلاحیت 5سو تا ساڑھے سات سو من فی ایکڑ ہے اور یہ اقسام بیماریوں کے خلاف قوت مدافعت رکھتی ہیں۔چار ہ کے لیے ان اقسام کا 35کلوگرام بیج فی ایکڑ استعمال کریں اور اچھی پیداوار کے حصول کے لیے چھ تا نو انچ کے فاصلہ پر لائنوں میں بوائی کریں۔متعلقہ عنوان :
مزید تجارتی خبریں
-
بجلی کے فی یونٹ میں2روپے 75 پیسے اضافے کی منظوری ظالمانہ فیصلہ ہے، ایاز میمن
-
پاکستان سٹاک ایکسچینج میں 137 پوائنٹس کی کمی
-
فیصل بینک اور صحت کہانی کا ہیلتھ کیئرمنظرنامے میں تبدیلی کیلئے اشتراک
-
اسٹیٹ بینک کے زرمبادلہ کے ذخائر میں 40 لاکھ ڈالر کا اضافہ
-
برائلر گوشت کی قیمت مستحکم ، فارمی انڈے مہنگے
-
انٹر بینک میں پاکستانی روپیہ ڈالر کے سامنے ڈٹا رہا جبکہ اوپن مارکیٹ میں روپیہ نے ڈالر کی قدر کو گرا دیا
-
سونے کی قیمتوں میں اضافے کا رجحان برقرار
-
سونے کی عالمی ومقامی قیمتوں میں اضافہ
-
پاکستان سٹاک ایکسچینج میں تیزی ،ہنڈرڈانڈیکس نے67 ہزارکی حدعبورکرلی
-
دریائوں اور آبی ذخیروں میں پانی کی صورتحال
-
بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے
-
اٹلی میں کام کرنے والے پاکستانیوں کی ترسیلات زرمیں سالانہ بنیادوں پر16.4 فیصدکی نموریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.