سرمایہ دارحکمران مزدوروں کااستحصال کرنے سے بازرہیں، ہمارے مزدور،محنت کش اورکسان چکی کے دوپاٹوں کے درمیان پس رہے ہیں،حکومت پٹرول اورڈیزل کی قیمت میں مزید کمی کرے
پیپلزپارٹی کے مرکزی رہنما ء محمد اشرف بھٹی کا بیان
بدھ 4 مارچ 2015 17:38
لاہور ( اُردو پوائنٹ اخبار تازہ ترین۔04مارچ۔2015ء )پیپلزپارٹی کے مرکزی رہنما ء محمد اشرف بھٹی نے کہا ہے کہ سرمایہ دارحکمران مزدوروں اورکسانوں کااستحصال کرنے سے بازرہیں،ان بیچاروں کوزندہ درگورنہ کیا جائے۔مہنگائی سے بڑے بڑے سرمایہ دار اورصنعتکارفائدہ اٹھاتے ہیں جبکہ عام آدمی بے موت ماراجاتا ہے۔ غیورمزدور،محنت کش اورکسان اپنی قوت برداشت سے زیادہ مہنگائی کابوجھ اٹھاسکتے ہیں اورنہ حکومت کی زیادتی برداشت کر نا ان کے بس میں ہے ۔
ان بیچاروں کو ریلیف کے نام پرہربار دھوکادیا گیا ۔حکومت مہنگائی کے سدباب کیلئے عام دکانداروں کیخلاف کریک ڈاؤن کرنے کی بجائے بڑے بڑے ٹریڈرز پرہاتھ ڈالے جواجناس کی قیمت مقررکرتے ہیں ۔ پیپلزپارٹی کے دباؤکی بدولت حکومت نے پٹرولیم مصنوعات کے نرخ بڑھانے کارسک نہیں لیا ،حکومت پٹرول اورڈیزل کی قیمت میں مزید کمی کرے ۔(جاری ہے)
بدھ کو اپنے ایک بیان میں محمداشرف بھٹی نے مزید کہا کہ وفاقی حکومت کایوٹیلیٹی سٹورزکوچینی پرسبسڈی نہ دینا غریب پرخودکش حملے کے مترادف ہے ۔
افسوس پاکستان کی حکمران اشرافیہ کوناداراورمفلس طبقات کی مشکلات کااحساس تک نہیں ۔انہوں نے کہا کہ عوام پران کی قوت برداشت سے زیادہ بوجھ ڈالناانتہائی ظلم اورزیادتی کے زمرے میں آتا ہے۔حکومت کی طرف سے عوام کیلئے ریلیف پیکیج محض اعلانات تک محدودہوتا ہے ۔انہوں نے کہا کہ حکومت کی نااہلی سے ملک میں پسماندگی اورناخواندگی مزیدبڑھ گئی ۔انہوں نے کہا کہ لوگ اپنے بچے فروخت کرنے پرمجبورہوگئے جبکہ حکمران صرف وہ منصوبہ بناتے ہیں جہاں سے انہیں زیادہ سے زیادہ کمشن ملے ۔ لاہورمیں میٹروبس منصوبہ کی بدترین ناکامی کے باوجود راولپنڈی سے اسلام آباد تک میٹروبس شروع کرنے اوراب ملتان میں میٹروبس منصوبہ بنانے کااعلان عوام کے زخموں پرنمک چھڑکنے والی بات ہے ۔انہوں نے کہا کہ پیپلزپارٹی اقتدارمیں آکرعوامی فلاحی منصوبوں پرکام کرے گی جس سے عام آدمی کامعیار زندگی بلندہوگا ۔مزید قومی خبریں
-
جعلی ادویات کی فروخت میں ملوث میڈیکل اسٹور منیجر گرفتار
-
کچھ لوگ جعلی حلقہ بندیوں اور ووٹر لسٹ کے باعث مسلط ہیں، خالد مقبول
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کا اسلام آباد میں چینی سفارت خانے کے دورے کے موقع پر گفتگو
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
اسٹیل کی قیمتوں میں کمی کی وجہ سے کاروباری سرگرمیوں میں اضافہ ہو گیا
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.