فیڈرل بورڈ آف ریونیو آر ٹی او لاہور کی جانب سے ایس آر او 1125کے تحت ریفنڈ درخواستیں وصول نہ کرنے کے معاملے کا نوٹس لے‘ لاہور چیمبر آف کامرس
جمعرات 5 مارچ 2015 23:21
لاہور ) اُردو پوائنٹ اخبارتازہ ترین - آن لائن۔5 مارچ۔2015ء ( لاہور چیمبر آف کامرس اینڈ انڈسٹری نے فیڈرل بورڈ آف ریونیو پر زور دیا ہے کہ وہ آر ٹی او لاہور کی جانب سے ایس آر او 1125کے تحت ریفنڈ درخواستیں وصول نہ کرنے کے معاملے کا نوٹس لیں کیونکہ اس سے کاروباری برادری کے لیے بہت سے مسائل پیدا ہورہے ہیں۔ ایک بیان میں لاہور چیمبر آف کامرس اینڈ انڈسٹری کے صدر اعجاز اے ممتاز نے کہا کہ لاہور چیمبر کو متعدد شکایات موصول ہوئی ہیں کہ آر ٹی او لاہور 4اکتوبر2013ء سے ایس آر او 1125کے دائرہ کار میں آنے والے پانچ سیکٹرز سے ریفنڈز کی درخواستیں وصول نہیں کررہا حالانکہ ملک کے بقیہ آر ٹی اوز سیلز ٹیکس ریفنڈ رولز کے رول 33کے تحت یہ درخواستیں وصول کررہے ہیں۔
لاہور چیمبر کے صدر نے کہا کہ چیئرمین فیڈرل بورڈ آف ریونیو اس صورتحال کا نوٹس لیں کیونکہ اس معاملے کی وجہ سے کاروباری شعبے کو مسائل کا سامنا کرنا پڑ رہا ہے۔(جاری ہے)
انہوں نے کہا کہ اربوں روپے کے بھاری ریفنڈز رک جانے سے ایکسپورٹرز اور مینوفیکچررز کو سرمائے کی قلت کا سامنا ہے اور اس کی وجہ سے بہت سے صنعتی یونٹس بند بھی ہوسکتے ہیں۔ انہوں نے کہا کہ کاروباری شعبے کی ترقی کے لیے ضروری ہے کہ ریفنڈز کا معاملہ جلد از جلد نمٹایا جائے کیونکہ بعض اوقات اس عمل میں مہینوں صرف ہوجاتے ہیں جس کی وجہ سے صنعتکاروں کو بھاری نقصان کا سامنا کرنا پڑتا ہے۔
اعجاز اے ممتاز نے کہا کہ بجلی و گیس کے بحران سمیت دیگر مسائل نے پہلے ہی صنعتی شعبے کو پریشان کررکھا ہے ایسے میں آر ٹی او لاہور کی جانب سے ریفنڈز کلیم وصول نہ کرنے سے صورتحال مزید خراب ہورہی ہے۔ انہوں نے کہا کہ وفاقی وزیر خزانہ اسحاق ڈار کی جانب سے سیلز ٹیکس اور انکم ٹیکس ریفنڈز جلد از جلد جاری کرنے کے احکامات کے باوجود پانچ سیکٹرز کی جانب سے ریفنڈز کی درخواستیں وصول نہ کرنا تشویشناک ہے۔ لاہور چیمبر آف کامرس اینڈ انڈسٹری کے صدر نے چیئرمین فیڈرل بورڈ آف ریونیو پر زور دیا کہ وہ خود اس صورتحال کا نوٹس لیں اور آر ٹی او لاہور کو ایس آر او 1125کے تحت پانچ سیکٹرز سے ریفنڈز کی درخواستیں وصول کرنے کے احکامات صادر کریں۔متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.