ریٹائرمنٹ کا کوئی ارادہ نہیں،ٹیم میں کم بیک کرنے کیلئے پر عزم ہوں،شین واٹسن

جمعہ 6 مارچ 2015 12:14

میلبور ن (اُردو پوائنٹ اخبار تازہ ترین۔06مارچ۔2015ء)آسٹریلوی ٹیم کے مایہ ناز آل راؤنڈر شین واٹسن نے کہا ہے کہ متواتر ناکامیوں کے باوجود انٹرنیشنل کرکٹ سے ریٹائرمنٹ کا کوئی ارادہ نہیں ‘رواں ورلڈ کپ سکواڈ میں کم بیک کرنے کیلئے تیار ہوں۔

(جاری ہے)

میڈیا سے بات چیت کرتے ہوئے انہوں نے کہا کہ کافی عرصے سے میں لمبی اننگز کھیلنے میں ناکام ہوں جس کی وجہ سے فارم کی بحالی میں دشواری کا سامنا ہے اسلئے ٹیم سے ڈراپ ہونے کا ذمہ دار میں خود ہوں کوئی اور نہیں۔

انہوں نے کہا کہ ورلڈ کپ بڑا ایونٹ ہے اس میں ملک کی نمائندگی ہر کھلاڑی کا خواب ہوتا ہے، فٹنس مسائل اور ناقص فارم کے باعث ٹیم سے دوری پر بہت دکھ ہوتا ہے۔ متواتر ناکامیوں کے باوجود انٹرنیشنل کرکٹ کو خیرباد نہیں کروں گا، فارم کی بحالی کیلئے سخت محنت کر رہا ہوں اور بہت جلد دوبارہ ٹیم میں جگہ بنا لوں گا، اگر ورلڈ کپ میں ایک اور موقع ملا تو میں جاندار کم بیک کرنے کیلئے تیار ہوں-

Facebook Twitter Google + Share on Whatsapp

ریٹائرمنٹ کا کوئی ارادہ نہیں،ٹیم میں کم بیک کرنے کیلئے پر عزم ہوں،شین واٹسن

مزید کھیلوں کی خبریں