ملک کی معاشی و اقتصادی ترقی میں کاروباری برادری کا کردار سب سے زیادہ اہمیت کا حامل ہے ‘ خواجہ ندیم سعید وائیں
جمعہ 6 مارچ 2015 14:39
لاہور ( اُردو پوائنٹ اخبار تازہ ترین۔06مارچ۔2015ء آل پاکستان پیپر مرچنٹس ایسوسی ایشن کے رہنما خواجہ ندیم سعید وائیں نے کہا ہے کہ کاروباری برادری ملکی معیشت کے لیے ریڑھ کی ہڈی ہے اور ملک کی معاشی و اقتصادی ترقی میں اس کا کردار سب سے زیادہ اہمیت کا حامل ہے لہٰذا اس کے خلاف بڑھتے ہوئے جرائم پر قابو پانے کے لیے سخت اقدامات اٹھانا ہونگے۔ اس مقصد کے لیے تاجر برادری حکومت اور قانون نافذ کرنے والے اداروں سے ہر ممکن تعاون کرنے کو تیار ہے۔
ان خیالات کا اظہار خواجہ ندیم سعید وائیں نے تاجروں اور پولیس کے مشترکہ اجلاس سے خطاب کرتے ہوئے کیا۔ آپما کے رہنما خامس سعید بٹ، زاہد مقصود بٹ، ایس ایچ او ملک راحیل امجد، ایس ایچ او ریحان ضیاء، ایس ایچ او رانا رضوان، ایس ایچ او محمد مجاہد اور تاجروں کی ایک بڑی تعداد اس موقع پر موجود تھی۔(جاری ہے)
خواجہ ندیم سعید وائیں نے کہا کہ اغوا برائے تاوان، چوریوں، ڈکیتیوں اور بھتہ خوری کے واقعات کا سب سے زیادہ نشانہ کاروباری برادری بن رہی ہے ، اگر اسے اسی طرح ہراساں کیا جاتا رہا تو ملک کی اقتصادی ترقی بْری طرح متاثر ہوگی۔
خواجہ ندیم سعید وائیں نے کہا کہ امن و امان کی صورتحال بہتر بنانے کے لیے کاروباری محکمہ پولیس کے ساتھ مل کر کام کرنے کو تیا رہے، انہوں نے کہا کہ تاجروں کا تحفظ یقینی بناکر شہر میں کاروباری سرگرمیوں کو فروغ دیا جاسکتا ہے۔ انہوں نے وزیراعلیٰ پنجاب میاں شہباز شریف پر زور دیا کہ محکمہ پولیس کے وسائل میں اضافہ کریں اور اسے سیاسی اثر و رسوخ سے پاک ادارہ بنائیں تاکہ یہ زیادہ بہتر کارکردگی کا مظاہرہ کرسکے۔متعلقہ عنوان :
مزید تجارتی خبریں
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
-
برائلر گوشت کی قیمت میں 12روپے کلو کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.