فلائٹ کوارڈنیٹر کو سٹاف کے ساتھ چھیڑ چھاڑ پر جیل کی ہوا کھانی پڑی
جمعہ 6 مارچ 2015 17:54
دوبئی(اُردو پوائنٹ اخبار تازہ ترین۔6مارچ2015ء) 36 سالہ کنیان، ائیرپورٹ پر فلائٹ کوارڈنیٹر ہے۔ اسے ائیر لائن سٹاف کے ساتھ چھیڑخانی کرنےپر 3 ماہ کے لیے جیل بھیج دیا گیا۔عدالتی احکامات کے مطابق جیل سے چھوٹنے پر اسے ملک بدر کر دیا جائے گا۔ مجرم پر ڈیوٹی کے دوران ویتنامی عورت کو جنسی طور پر ہراساں کرنے اور جنسی زیادتی کی کوشش کرنے کا الزام تھا۔
24 سالہ ویتنامی عورت نے پچھلے سال 5 نومبر کو واقعے کی اطلاع اس وقت دی جب وہ دونوں دوبئی انٹرنیشنل ائیرپورٹ کے ٹرمینل 3 پر ڈیوٹی دے رہے تھے۔ عورت نے بتایا کہ وہ رن وے پر کھڑی جہازوں کا انتظار کر رہی تھی مگر جہاز نہیں آ رہے تھے، اور اس نے حفاظتی جیکٹ کے بغیر سکرٹ پہنا ہوا تھا ۔اتنے میں اسے مجرم نظر آیا جو شٹل گاڑی میں سوار تھا۔(جاری ہے)
عورت نے اس سے پوچھا کہ کیا اس کے پاس حفاظتی جیکٹ ہے، اس پر ملزم نے اسے کہا کہ اس کے ساتھ گاڑی میں سوار ہو جائے ورنہ اسے حفاظتی جیکٹ نہ پہننے پر جرمانے کا سامنا کر پڑ سکتا ہے۔
عورت جیسے ہی گاڑی میں بیٹھی مجرم نے اسے جنسی طور پر ہراساں کرنا شروع کر دیا۔ عورت نے گاڑی سے اترنے کے لیے اس کی منت کی تو مجرم نے اس کا فون نمبر لے کر بعد میں فون پر بات کرنے کی شرط پر اسے گاڑی سے اترنے کی اجازت دی۔عورت نے گاڑی سے اتر کر اپنی شکایت لکھی اور ائیرپورٹ پر پولیس کو دے دی۔ واقعے کے فوراً بعد مجرم موقع واردات سے فرار ہو گیااور پولیس کی فون کالز کا جواب بھی نہیں دیا اور نہ ہی اپنے کام پر پہنچا۔9 نومبر کو پولیس نے مجرم کو ائیرپورٹ سے پکڑ لیا۔ مجرم نے پہلےتو عورت کے لگائے الزامات کو تسلیم کرنے سے انکار کر دیا مگر بعد میں کہا کہ اس کا ہاتھ غلطی سے عورت کو چھو گیا تھا۔ مجرم اپنی سزا کے خلاف 15 دن میں اپیل کر سکتا ہے۔متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.