بلغاریہ کو پاکستان کی جانب سے لڑاکا طیاروں کی پیشکش کی جائیگی ‘ برطانوی جریدہ
ہفتہ 7 مارچ 2015 13:00
لندن (اُردو پوائنٹ اخبار تازہ ترین۔07مارچ۔2015ء) برطانوی دفاعی جریدے”آئی ایچ ایس جین“ کی رپورٹ میں کہا گیا ہے کہ پاکستان کی طرف سے بلغاریہ کو جے ایف 17تھنڈر لڑاکا طیارے دینے کی پیش کش کی جائے گی۔ مغربی طیاروں سے نصف سستے جے ایف 17طیاروں کی خریداری بلغاریہ کیلئے انتہائی موزوں ہے ‘ پاکستان اور چین کے مشترکہ تیار کردہ ان طیاروں کے خریدار بننے کے بلغاریہ کے امکانات روشن ہیں تاہم بلغاریہ کے لئے نیٹو رکن کی حیثیت اس خریداری میں رکاوٹ بن رہی ہے۔
سنگل سیٹ، سنگل انجن جے ایف تھنڈر لڑاکا طیارے پاکستان ائیرو ناٹیکل کمپلیکس اور چینگدو ائیرکرافٹ انڈسٹری کارپوریشن کی طرف سے تیار کیے گئے اس نے اپنی پہلی اڑان 2004میں کی تھی۔ ان طیاروں کی ارجنٹینا، سربیا، اور یہاں تک سعودی عرب جیسے ملکوں کو برآمد کی پیش کش کی گئی تاہم ابھی تک اس کے پہلے بین الاقوامی خریدا ر کو فائنل نہیں کیا گیا۔(جاری ہے)
نیٹو ممالک کے رکن کی حیثیت سے بلغاریہ کیلئے یہ خریداری مشکل ہے۔تاہم نیٹو کا نیا اتحادی ہونے کے ناطے بلغاریہ مکمل حمایت کی کوشش میں ہے یہی بنیادی وجہ ہے کہ وہ روسی دور کے اپنے پرانے طیاروں کی جگہ نئے طیارے لانا چاہتا ہے۔
سیاسی طور پر چینی پاکستانی ساختہ طیاروں کی خریداری بلغاریہ کے لئے مشکل ہوگی۔اس کی واضح مثال2013میں ترکی کی طرف سے چین سے میزائل نظام حاصل کرنے کی کوشش میں ردعمل سامنے آیا تھا۔نیٹو کی مخالفت سے ترکی اس نظام کو حاصل کرنے سے پیچھے ہٹ گیا۔نیٹو کے نئے اور پرجوش رکن ہونے کی وجہ سے بلغاریہ کی ترکی کی مانند پوزیشن ہے یہی وجہ ہے کہ جے ایف 17 خریدنے کا امکان نہیں لگتارپورٹ کے مطابق بلغاریہ روسی دور کے اپنے پرانے میراج29 فلکروم اور سکھوئی ایس یو25 طیاروں کو تبدیل کرنا چاہتا ہے جس کیلئے وہ متبادل طیاروں کو منتخب کرنے کیلئے کوشاں ہے ۔کئی مغربی طیاروں کے متبادل کے طور پر پاکستان بھی بلغاریہ کو اپنے جنگی طیاروں کی فروخت کی پیش کش کریگاتاہم طیاروں کی لاگت یا ممکنہ ترسیل کا کوئی وقت یااس سے متعلق کوئی تفصیلات فراہم نہیں کی گئی بلغاریہ حکومت کے بیان کے مطابق وہ نئے یا پرانے مغربی لڑاکا طیاروں کو خریدنے کا انتخاب کرے گا یا مگ 29 کواپ گریڈ کرے گا۔ امکان ہے کہ بلغاریہ تقریباً28کروڑ 20لاکھ ڈالر(282ملین ڈالر) کے طیارے خریدیگا اگرچہ لاک ہیڈ مارٹن بلاک کے52 ایف 16S کے نئے طیارے یقینی طور پر ناقابل استطاعت ہیں۔ سیکنڈ ہینڈ طیاروں میں بلغاریہ کی نظر بلاک پچیس کے ایف سولہ، بلجیم سے ایف سولہ کی اپ گریڈیشن، اٹلی سے یوروفائٹر ٹائیفون،یا سویڈن سے ساب طیاروں پر ہے۔متعلقہ عنوان :
مزید بین الاقوامی خبریں
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ایپل کا آن لائن ایونٹ کے انعقاد کا اعلان
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.