اسلام آباد میں 25 جولائی، پنجاب، سندھ میں 20 ستمبر کو بلدیاتی انتخابات کرانے کا حکم
منگل 10 مارچ 2015 11:01
اسلام آباد(اُردو پوائنٹ اخبار تازہ ترین۔10مارچ 2015ء) سپریم کورٹ نے وفاقی دارالحکومت میں پچیس جولائی جبکہ پنجاب اور سندھ میں بیس ستمبر 2015 ء کو بلدیاتی انتخابات کرانے کا حکم دے دیا ، عدالت کا کہنا ہے کہ الیکشن کمیشن دی گئی تاریخوں پر کاربند رہتے ہوئے بلدیاتی الیکشن کے انعقاد کو یقینی بنائے۔ جسٹس جواد ایس خواجہ کی سربراہی میں تین رکنی بینچ نے بلدیاتی انتخابات کیس کی سماعت کی ۔
الیکشن کمیشن کی جانب سے پنجاب، سندھ اور وفاقی دارالحکومت میں بلدیاتی انتخابات سے متعلق تحریری شیڈول پیش کیے گئے۔ جسٹس جواد ایس خواجہ نے ریمارکس دیئے کہ الیکشن کمیشن بااختیار ادارہ ہے، یہ اختیار الیکشن کمیشن کو پاکستان کا آئین دیتا ہے ،عوام اور آئین کے ساتھ مذاق نہ کیا جائے ۔(جاری ہے)
الیکشن کمیشن یہ بتائے کہ کنٹونمنٹ علاقوں میں 17 سال ، صوبوں میں 9 سال اور وفاقی دارالحکومت میں 5 سال سے بلدیاتی انتخابات کیوں نہیں ہوئے ۔
ایڈووکیٹ جنرل پنجاب نوید رسول مرزا نے کہا کہ گزشتہ برسوں کے دوران اگست اور ستمبر میں پنجاب میں سیلاب آ چکے ہیں، اس پر جسٹس جواد ایس خواجہ نے کہا کہ کیا آپ یہ کہنا چاہتے کہ اگست اور ستمبر میں سیلاب آتے ہیں بلدیاتی الیکشن نہ کرائے جائیں ۔ نوید رسول مرزا نے کہا کہ بلدیاتی انتخابات پر ہمارے کوئی تحفظات نہیں ہیں ۔ عدالت نے اسلام آباد میں پچیس جولائی جبکہ پنجاب اور سندھ میں بلدیاتی الیکشن بیس ستمبر دو ہزار پندرہ کو کرانے کا حکم دیتے ہوئے ہدایت کی ہے کہ الیکشن کمیشن بلدیاتی انتخابات کی دی گئی تاریخوں پر کاربند رہتے ہوئے انتخابات کے انعقاد کو یقینی بنائے ۔ سپریم کورٹ کے پی کے میں 30 مئی، کنٹونمنٹ علاقوں میں 25 اپریل کو بلدیاتی الیکشن کرانے کا پہلے ہی حکم دے چکی ہے ، کیس کی سماعت غیر معینہ مدت تک ملتوی کر دی گئی۔متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.