سرفرازاحمد کو کپتان اور مینیجر نے ٹیم میں شامل کر ایا،وقاریونس خفاہوگئے
منگل 10 مارچ 2015 11:44
ایڈیلیڈاوول (اُردو پوائنٹ اخبار تازہ ترین۔10مارچ۔2015ء)پاکستان کرکٹ ٹیم کے ہیڈ کوچ وقار یونس جنوبی افریقہ کے خلاف سرفراز احمد کو کھلانے پر کپتان مصباح الحق اور مینیجر نوید اکرم چیمہ سے ناراض ہیں۔ وقار یونس وکٹ کیپر بیٹسمین کو کھلانے کے حق میں نہیں تھے لیکن کپتان اور مینیجر نے انہیں ٹیم میں شامل کر لیا۔قومی کرکٹ ٹیم کے ہیڈ کوچ وقار یونس جنوبی افریقہ کے خلاف ورلڈ کپ میچ میں سرفراز احمد کو کھلانے پر کپتان مصباح الحق اور مینیجر نوید اکرم چیمہ سے سخت ناراض ہیں۔
کوچ وکٹ کیپر بیٹسمین کو ٹیم میں شامل کرنے کے حق میں نہیں تھے لیکن ٹور سلیکشن کمیٹی کے دو ارکان مصباح الحق اور نوید اکرم چیمہ نے اتفاق رائے سے وکٹ کیپر کو جنوبی افریقہ کے خلاف میچ کے لیے ٹیم میں شامل کرلیا۔(جاری ہے)
سرفراز احمد نے نہ صرف تین چھکوں اور پانچ چوکوں سے مزین اننچاس گیندوں پر اننچاس رنز بنائے بلکہ چھ کیچز کا عالمی ریکارڈ بھی برابر کر دیا۔
میچ کے بعد پریس کانفرنس میں بھی وقار یونس سرفراز احمد کے بارے میں میڈیا کے سوال پر چراغ پا ہوگئے۔وقاریونس کا ورلڈ کپ دو ہزار گیارہ میں بھی کپتان شاہد آفریدی سے جھگڑا ہوا تھا۔ انہوں نے اس وقت چئیرمین پی سی بی اعجاز بٹ سے آفریدی پر پانچ میچز کی پابندی لگوانے کے بعد قیادت سے بر طرف کروا دیا تھا۔ لیفٹ ہینڈر فواد عالم بھی انہیں پسند نہیں۔ دو ہزار چودہ میں ون ڈے کرکٹ میں احمد شہزاد کے بعد سب سے زیادہ رنز بنانے کے باوجود فواد عالم کو یو اے ای میں آسٹریلیا، نیوزی لینڈ سیریز سے ڈراپ کر کے ڈیڑھ سال سے ناکام ناصر جمشید کو شامل کروایا۔ ورلڈ کپ ٹیم کا اعلان کرتے ہوئے چیف سلیکٹر نے فواد عالم کی تعریف کی لیکن انہیں ٹیم میں جگہ نہیں دی۔ورلڈ کپ کے لیے تین ریزرو پلیئر شعیب ملک، سہیل تنویر اور اظہر علی کا اعلان کیا گیا لیکن وقار یونس کی پسند پر ان تینوں کے بجائے جنید خان اور محمد حفیظ کے زخمی ہونے پر راحت علی اور ناصر جمشید کو بھیجا گیا جبکہ شاہد آفریدی کی موجودگی میں لیگ اسپنر یاسر شاہ کو لیفٹ آرم اسپنر رضا حسن اور ذوالفقار بابر پر ترجیح دی گئی۔مزید کھیلوں کی خبریں
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
-
سابق کرکٹرز کی پاکستان کی جانب سے عماد وسیم کو بینچ پر بٹھانے کے فیصلے پر تنقید
-
نیوزی لینڈ کیخلاف دوسرے ٹی ٹونٹی کیلئے پاکستان کی ممکنہ پلیئنگ الیون سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.