یو بی جی نے مبینہ طور پر ایف پی سی سی آئی کے سٹاف کو ہراساں اور فنڈز کا ناجائز استعمال شروع کر دیا ہے‘مرتضیٰ مغل
جمعرات 12 مارچ 2015 15:16
لاہور ( اُردو پوائنٹ اخبار تازہ ترین۔12مارچ۔2015ء) پاکستان اکانومی واچ کے صدر ڈاکٹر مرتضیٰ مغل نے کہا ہے کہ یونائیٹڈ بزنس گروپ (یو بی جی)نے اپنے دعوؤں کے برعکس مبینہ طور پر ایف پی سی سی آئی کے سٹاف کو ہراساں اور فنڈز کا ناجائز استعمال شروع کر دیا ہے،ایف پی سی سی آئی کے ہیڈ آفس میں بے یقینی عروج پر ہے جہاں سٹاف کولیبر قوانین کی خلاف ورزی میں رات بارہ بجے تک بغیر اوور ٹائم یا کسی اضافی سہولت کے کام پر مجبور کیا جاتاہے ، تمام ملازمین کو روز رات گیارہ سے بارہ بجے تک انٹرنیٹ پر ایف پی سی سی آئی کے صدر کا خطاب بھی سننا بڑتا ہے جس میں انکی اپنی تعریفوں کے علاوہ کچھ نہیں ہوتا۔
ایف پی سی سی آئی کے سابق صدر زکریا عثمان اور اہلکاروں کے مطابق اعلیٰ عہدوں پر فائز افسران کو معمولی کام کرنے پر مجبور اور مستقل ملازمین کی موجودگی میں انکی آسامیوں کے اشتہار شائع کر کے ذہنی اذیت دی جا رہی ہے۔(جاری ہے)
ایف پی سی سی آئی کے صدر کے دفتر کے منیجر کو ریسپشنسٹ اور کئی دیگر افسران کو عبرت کا نمونہ بنا دیا گیا ہے جبکہ خواتین سے بدسلوکی اور دیگر حربے استعمال کئے جا رہے ہیں۔
تمام فیصلے فیصل آباد کا ایک بزنس گروپ ڈکٹیٹ کروا رہا ہے جبکہ نائب صدور کو عضو معطل بنا کر رکھ دیا گیا ہے جن سے فیصلوں میں رائے تک نہیں لی جاتی۔ادارے کے وسائل کو وفاداریاں خریدنے،دوستوں کی تواضع اور یونائیٹڈ بزنس گروپ کا ووٹ بینک بڑھانے کیلئے لٹایا جا رہاہے۔ ایف پی سی سی آئی کی گاڑیاں ان افراد کی خدمت کیلئے وقف ہیں جنھیں اس ادارے کی موٹر سائیکل استعمال کرنے کا بھی اختیار نہیں۔یو بی جی کی قیادت نے الیکشن سے قبل بزنس مین پینل پر جو الزامات لگائے گئے تھے ان تمام کا ریکارڈ توڑ ا جا رہا ہے جو سسٹم نہیں بلکہ چہروں کی تبدیلی ہے۔ایف پی سی سی آئی کے عملہ نے وزارت تجارت اور دیگر متعلقہ اداروں ایف پی سی سی آئی کی بلڈنگ اور اسلام آباد چیمبر کے ڈسپلے سینٹر کی تعمیر میں کروڑوں کے گھپلے کرنے والے یو بی جی کے تاجر رہنماؤں کے احتساب اور موجودہ دگرگوں صورتحال کا نوٹس لینے کا مطالبہ کیا ہے۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.