پرانی انارکلی کے علاقے میں 60سالہ پراپرٹی ڈیلرکا پرسرار قتل ‘ نامعلوم ملزمان نے چھریوں کے وار کر کے بے دردی سے قتل کرنے کے بعدلاش چھپا دی
جمعہ 13 مارچ 2015 22:11
لاہور (اُردو پوائنٹ اخبارتازہ ترین - آن لائن۔13مارچ۔2015ء) پرانی انارکلی کے علاقے میں 60سالہ پراپرٹی ڈیلرکا پرسرار قتل ،نامعلوم ملزمان نے چھریوں کے وار کر کے بے دردی سے قتل کرنے کے بعدلاش چھپا دی اور موٹرسائیکل اور ٹی وی بھی ساتھ لے گئے ، 3روز پرانی لاش برآمدہونے پر علاقے میں خوف وہراس پھیل گیا ، مخالفین نے قتل کیا بیٹے کا موقف ، پولیس نے لاش قبضے میں لے کر پورسٹمارٹم کے لیے مردہ خانے منتقل کردی ، بتایا گیا ہے کہ پرانی انارکلی کے علاقے رسالہ بازار کے مکان نمبر12 میں فیصل آباد کے نواحی علاقے کا رہائشی 60سالہ فیض احمد نے دو سال قبل گھرکے ڈرائینگ روم کو کرائے پر حاصل کیا جیاں وہ پراپرٹی ڈیلر کا کاروبار کرتا تھا اور اسی میں سوتا تھا جبکہ اس کے ہمراہ 2اورساتھی بھی رہائش پذیر تھے فیض احمد ہر 15روز بعداپنے بیوی بچوں سے ملنے کے لیے فیصل آباد چلا جاتا تھا اورروزانہ اپنے گھر فون بھی کرتا تھا فیض احمدکے بیٹے علی رضا کے مطابقان کے اپنے باپ کے ساتھ منگل کے روز آخری باررابطہ ہوا اس کے بعد سے ان کا موبائل مسلسل بند جا رہا تھا گزشتہ روز وہ فیصل آباد سے اپنے والد کو ملنے کے لیے اپنے والد کے کمرے میں گیا تو وہاں تالہ لگا ہوا تھا جس پر پولیس کو اطلاع کردی پولیس نے جب علاقہ معززین کی موجودگی میں تالہ توڑا اور دیکھا کہ کمرے میں فیض احمد کی خون میں لت پت دو ، تین روز پرانی لاش پڑی ہوئی ہے جبکہ کمرے سے ٹی وی ، مقتول کا موبائل اور موٹرسائیکل نمبری ایف ڈی 2403 پاک ہیرو غائب ہے پولیس نے فوری طور پر لاش قبضے میں لے کر پورسدٹمارٹم کے لیے مردہ خانے بجھوا دی اورجائے وقوعہ سے شواہد اکٹھے کرتے ہوئے کرائم سین کو مکمل طورپر محفوظ کر لیا پولیس کے مطابق مقتول کے ساتھی اس کو قتل کرنے کے بعداشیا ساتھ لے کر فرار ہوگئے ہیں انہیں جلد گرفتار کر لیا جائے گا جبکہ مقتول کے بیٹے علی رضا کے مطابق ان کا فیصل آباد میں لین دین کا تنازع چل رہا ہے دو ماہ قبل اس کے والد پر 30لاکھ کے فراڈ کا مقدمہ درج ہوا تھا جس میں انہوں نے ضمانت کروا لی تھی اس کیس میں مدعیوں کو 12لاکھ روکے کی ادائیگی کر دی گئی تھی بقایا18لاکھ کے لیے مدعیوں کی جانب سے فیصل آبادکے بدمعاش لیاقت جوئیہ کی طرف سے دھمکیاں دی جا رہی تھیں ہمیں شبہ ہے کہ ان ملزمان نے میرے والد کو قتل کیا ہو گا ، مقتول فیض احمد کی چار بیٹیاں اور ایک بیٹا ہے جبکی وہ پہلے فیصل آباد میں ہی پراپرٹی کا کام کرتا تھا جہاں تنازعات کے باعثوہ دو سال قبل لاہور آیا اور انارکلی کے علاقے میں پراپرٹی کا کاروبار شروع کر دیا۔
متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.