کراچی : صولت مرزا کی زندگی کسی فلم کی کہانی کے مترادف ہے، موت کے بہت قریب مشہور زمانہ ٹارگٹ کلر صولت مرزا چند گھنٹے قبل موت کو چکما دینے میں کامیاب ہو گئے، پھانسی 72 گھنٹے سے بڑھا کر غیر معینہ مدت کے لیے ملتوی کر دی گئی۔۔۔۔
جمعرات 19 مارچ 2015 17:08
کراچی(اردو پوائنٹ تازہ ترین اخبار . 19 مارچ 2015 ء) : مشہور زمانہ ٹارگٹ کلر اور ایم کیو ایم کے سابق رکن صولت مرزا کی زندگی پر اگر نظر ڈالی جائے تو ان کی کہانی کسی فلم کی کہانی سے کم نہیں.
(جاری ہے)
پھانسی سے کچھ گھنٹے قبل موت کا انتظار کرتے صولت مرزا کی پھانسی کو روک دیا گیا، جیل کی کال کوٹھری میں بیٹھ کر دئے گئے ویڈیو بیان نے ملک بھر میں تہلکہ مچا دیا، صولت مرزا کی نجی زندگی بھی کسی فلم کی کہانی کی مانند ہے، ایک اخبار کو دئے گئے انٹر ویو میں صولت مرزا کی اہلیہ نے بتایا کہ میں اور صولت بچپن ہی سے ایک دوسر کو جانتے تھے ، صولت مرزا کی شریک حیات نے بتایا کہ 1997 ء میں صولت 26 سال کے تھے جب کہ میری عمر 18 سال تھی، گھر کے پیچھے بنی ایک ڈھلوان پر چلتے چلتے اچانک صولت نے اپنے قدم روکے میرا ہاتھ تھاما اور مجھے مخاطب کر کے کہا کہ یہ ڈھلوان جو تم دیکھ رہی ہو میری زنگی بھی بالکل ایسی ہی ہے، میں ڈھلوان پر چل رہا ہوں یہی میری زندگی ہے، آگے حالات اور مشکل ہو جائیں گے لیکن میں تم سے شادی کرنا چاہتا ہوں کیا تم مجھ سے شادی کرو گی! چند سال قبل صولت مرزا کی کہی گئی یہ بات بظاہر سچ ہوتی نظر آ رہی ہے کیونکہ صولت مرزا اس وقت اپنی زندگی کی ایسی ہی ایک ڈھلوان پر کھڑے ہیں جہاں سے وہ لڑھکنے ہی والے تھے کہ ان کو بچا لیا گیا.
صولت مرزا کی اہلیہ کا کہنا تھا کہ میں اور صولت محض 3 مہینے تک ہی ساتھ رہ پائے کیونکہ اس کے بعد صولت تھائی لینڈ فرار ہو گیا جب 1998 ء میں واپس آیا تو پولیس افسر چوہدری اسلم نے اسے کراچی سے گرفتار کر لیا اس پر متعدد لوگوں کے قتل کے الزامات تھے اور پھر کے الیکٹرک کے ایم ڈی ، گارڈ اور ڈارئیور کے قتل میں صولت مرزا کو سزائے موت سنا دی گئی. صولت مرزا کی حیدر آباد سے مچھ جیل منتقلی تک اس کی اہلیہ روزانہ کی بنیاد پر اس سے ملاقات کرتی تھی اس دوران دونوں میں خطوط کا تبادلہ بھی ہوتا رہا جن کی تعداد شمار میں نہیں آتی جبکہ صولت مرزا کی شریک حیات نے متعدد سیاسی اور مذہبی ناولز بھی خرید کر انہیں دئے. صولت مرزا کی اہلیہ اس بات کو ماننے کے لیے تیار ہی نہیں ہیں کہ صولت مرزا کو پھانسی دی جائے گی ، وہ تاحال اسی خواب میں ہیں کہ صولت مرزا کے ساتھ نیوزی لینڈ میں وہ اپنی نئی زندگی کا آغاز کریں گی. صولت مرزا کی اہلیہ پی ایچ ڈی ریسرچر ہیں اور ڈی این اے ویکسینز پر ٹھققیق کر رہی ہیں. صولت مرزا کے ساتھ نیوزی لینڈ میں نئی زندگی کا آغاز کرنے کا خواب تو وہ دیکھ رہی ہیں لیکن صولت مرزا کے سر قتل کے مقدمات سے متعلق کوئی بات نہیں کرتیں گویا وہ اس بات کو ماننا ہی نہیں چاہتیں. اب یہ ان کی محبت کا یقین ہے یا بات کچھ اور ہے وقت آنے پر ہی پتہ چلے گا.مزید اہم خبریں
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.