بیجنگ‘ پاکستانی نژاد سمیل حسن ڈوٹا ٹو کے ایشین چیمپئن بن گئے

پیر 23 مارچ 2015 11:04

بیجنگ(اُردو پوائنٹ اخبار تازہ ترین۔23مارچ۔2015ء)مشکل حالات اور محدود موقعوں کے باوجود پاکستانی بچوں اور نوجوانوں کا ٹیلنٹ عالمی پلیٹ فارمز پر نظر آہی جاتا ہے۔ ارفع کریم، شافع تھوبانی اور ملالہ یوسف زئی جیسے لائق بچوں کے ساتھ اب سمیل حسن کا نام بھی لیا جائے گا، جس نے چین میں ڈوٹا ٹو کا ایشین چیمپئن بن کر ناصرف پاکستانی پرچم سربلند کیا، بلکہ بارہ لاکھ ڈالر بھی اپنے نام کرلئے۔

(جاری ہے)

ہاتھوں میں ٹرافی اٹھائے فاتحانہ مسکراہٹ کا حامل 15 سالہ سمیل حسن نے دور حاضر کے سب سے مشہور وڈیو گیم ڈیفینس آف اینشنٹ 2 کا فائنل جیت لیا۔ چین میں ہونے والی ایشین چیمپین شپ دنیا میں ڈوٹا 2 کا دوسرا سب سے بڑا ٹورنامنٹ مانا جاتا ہے۔ کراچی سے تعلق رکھنے والا سمیل اپنی 5 رکنی ٹیم کا کم عمر ترین لیکن سب سے ہوشیار ممبر ثابت ہوا۔ جس نے بعض ایسی مووز بنائیں کہ باقی ٹیمیں سمیل کی ایول جینئس کا مقابلہ نا کر پائیں۔ لیکن عام زندگی میں سمیل ایک شرمیلا اور کم گو لڑکا ہے۔ ایک سال قبل خاندان کے ساتھ امریکا شفٹ ہونے والے سمیل کی نظریں اب اگلے ڈوٹا ٹو کے سب سے بڑے ٹورنامنٹ انٹرنیشنل فائیو پر لگی ہوئی ہیں، جس کی انعامی رقم ایک کروڑ ڈالر ہے۔

Facebook Twitter Google + Share on Whatsapp

بیجنگ‘ پاکستانی نژاد سمیل حسن ڈوٹا ٹو کے ایشین چیمپئن بن گئے

مزید کھیلوں کی خبریں