امریکا میں بچوں نے والدین پرخزانے کی تجوری کھول ڈالی

واشنگٹن(اُردو پوائنٹ اخبار تازہ ترین۔24مارچ۔2015ء) بعض اوقات کچھ عام سی ویڈیو بھی دیکھنے والوں کو اتنا متاثر کردیتی ہیں کہ وہ لاکھوں لوگوں کی توجہ حاصل کرلیتی ہیں اور کچھ ایسا ہی ہوا امریکا میں جہاں ایک خاندان نے اپنے بچوں کی کھلونوں سے کھیلنے کی ویڈیوز سے مزین یوٹیوب پر ایک اکاوٴنٹ چینل کھولا جس نے دیکھتے ہی دیکھتے نہ لاکھوں لوگوں کی توجہ حاصل کر لی بلکہ ان ویڈیوز کے ذریعے بچوں کے والدین کمائی بھی کرنے لگے۔

ایک امریکی خاندان نے اپنے بچوں کی مختلف سرگرمیوں پر مبنی ہولیان مایا کے نام سے ویڈیوز یو ٹیوب پر پوسٹ کردیں جس نے دیکھتے ہی دیکھتے لاکھوں لوگوں کی توجہ حاصل کر لی جب کہ اس موقع کا بھرپور فائدہ اٹھاتے ہوئے والدین نے اس چینل پر اشتہارات لینا بھی شروع کردیئے اور جلد ہی مختلف ٹوائے کمپنیوں نے اس چینل پر اشتہار دینا شروع کریئے اوریوں یہ عام سی ویڈیوزوالدین کی کمائی کا ذریعہ بن گئیں۔

(جاری ہے)

ویڈیو کو پوسٹ کرنے والی خاتون اور بچوں کی ماں کا کہنا ہے کہ ان ویڈیوز میں زیادہ تر میں آپ بچوں کو ٹرین کھلونے سے کھیلتا دیکھیں گے جب کہ اس میں چند پکنک وغیرہ کی سرگرمیاں بھی شامل ہیں اورہر ویڈیو سے قبل کھلونوں کا اشتہار چلتا ہے جس سے انہیں صرف 2014 میں 10 لاکھ ڈالر کا فائدہ ہوا ہے اور انہیں امید ہے کہ آئندہ سال وہ اس سے بھی زیادہ کما سکیں گے۔

خاتون کے شوہر اور بچوں کے والد کا کہنا ہے کہ بچوں کی سرگرمیوں کی وجہ سے وہ اپنی ملازمت کو مکمل وقت نہیں دے پارہے تھے تاہم انہوں نے ملازمت چھوڑ کر تمام وقت بچوں کی سرگرمیوں اور ان کی ویڈیوز بنانے میں لگایا۔یوٹیوب پر جاری ان بچوں کی ویڈیوز کی مقبولیت کا انداز اس بات سے لگایا جاسکتا ہیکہ 2013 میں ریلیز کی گئی ویڈیو تھامس اینڈ فرینڈز ایمرجنسی سرچ لائٹ بے حد مقبول ہوئی جس کے دیکھنے والوں کی تعداد ایک کروڑ 60 لاکھ تک پہنچ گئی ہے جب کہ حیرت انگیز بات یہ ہے کہ ٹیوب فلٹر کی رپورٹ کے مطابق امریکا میں سب سے زیادہ یوٹیوب پر دیکھے جانے والے 50 چینلز میں اس فیملی چینل کا 47 واں نمبر ہے۔

یو ٹیوب پر یہ منفرد چینل دیکھنے کیلئے یہاں پر کلک کیجئے