یمن میں زمینی فوج بھیجنے کا فیصلہ نہیں کیا:سعودی عرب
پیر 30 مارچ 2015 11:56
واشنگٹن(اُردو پوائنٹ اخبار تازہ ترین۔30مارچ۔2015ء) امریکا میں متعیّن سعودی سفیر عادل الجبیر نے کہا ہے کہ ان کے ملک نے ابھی یمن میں زمینی فوج بھیجنے کا کوئی فیصلہ نہیں کیا ہے لیکن اس نے تمام آپشنز کھلے رکھے ہوئے ہیں۔عادل الجبیر نے این بی سی اور سی بی ایس نیوز کے ساتھ گفتگو کرتے ہوئے کہا ہے کہ سعودی عرب نے یمن میں ایران کی حمایت یافتہ حوثی شیعہ ملیشا کے خلاف فضائی مہم کو پایہ تکمیل کو پہنچانے کا عزم کررکھا ہے۔
اس مہم کا مقصد حوثی شیعہ باغیوں کے زیر قبضہ یمنی علاقوں کوواگزار کرانا ہے۔ان سے جب میزبان نے پوچھا کہ کیا یمن میں زمینی فوج کا بھی ممکنہ طور پر استعمال کیا جائے گا تو انھوں نے کہا کہ ''میں نہیں جانتا۔کوئی یمن میں جانا چاہتا ہے لیکن ہم کسی بھی امکان کو مسترد نہیں کررہے ہیں۔(جاری ہے)
فی الوقت تو فضائی مہم کے ذریعے ہی مقاصد حاصل ہورہے ہیں''۔ان سے اگلا سوال یہ کیا گیا کہ کن حالات میں سعودی عرب یمن میں اپنی برّی فوج بھیج سکتا ہے تو انھوں نے کہا کہ ''ہمیں ابھی دیکھنا ہوگا۔
ہم اس ایشو پر غور نہیں کررہے ہیں۔ہم نے حوثیوں کی حربی صلاحیتوں کو تباہ کرنے کا عزم کررکھا ہے۔ہم نے یمن کی مجازحکومت کے تحفظ اور اس کو برقرار رکھنے کا بھی عزم کررکھا ہے۔ہم یمن کے عوام کو بھی تحفظ مہیا کرنا چاہتے ہیں۔اس لیے ہم ان مقاصد کے حصول تک یہ مہم جاری رکھیں گے۔عادل الجبیر کا کہنا تھا کہ ''سعودی عرب کی قیادت میں اتحاد نے یمن کی مجاز حکومت کی دعوت پر یہ فضائی مہم شروع کی ہے۔
ہم یمنی عوام کو ایک ریڈیکل گروپ سے بچانے کے لیے وہاں گئے ہیں کیونکہ یہ گروپ یمن کو مزید کٹڑ بنانا چاہتا ہے''۔ان کا کہنا تھا کہ ہم اپنے ایک پڑوسی ملک میں امن قائم کرنا چاہتے ہیں۔ان سے جب سوال کیا گیا کہ کیا سعودی عرب ایران اور چھے بڑی طاقتوں کے درمیان جوہری تنازعے کے حل کے لیے مجوزہ معاہدے کے حق میں ہے تو انھوں نے کہا کہ ''ہم ایک ایسا ٹھوس معاہدہ چاہتے ہیں جس سے ایران کے جوہری ہتھیار تیار کرنے کے حق کی نفی ہو۔ایک ایسی ڈیل جو قابل تصدیق ہو اور جس سے ایران کے لیے جوہری ہتھیار حاصل کرنے کے تمام امکانات ہی ختم ہو جائیں''۔سعودی سفیر سے جب یہ سوال پوچھا گیا کہ کیا مشرق وسطیٰ میں ایک مضبوط ایران اور مضبوط سعودی عرب اکٹھے رہ سکتے ہیں تو ان کا کہنا تھا کہ ''یہ بات ایرانیوں پر منحصر ہے۔سعودی عرب مشرق وسطیٰ میں ساتھ ساتھ رہ سکتا ہے۔ہم نے بہت سے مسائل کا سامنا کیا ہے۔ایران کی سعودی عرب کے خلاف جارحیت کو روکا ہے لیکن اس کے مقابلے میں سعودی عرب کی ایران کے خلاف جارحیت کا ایک بھی واقعہ رونما نہیں ہوا ہے۔ہم نے ایرانیوں کی جانب دوستی کا ہاتھ بڑھایا ہے لیکن اس کو گذشتہ پینتیس سال سے ٹھکرایا جارہا ہے۔مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.