شاہ رخ نے سلمان اور عامر کو ”ٹوئٹر “پر پیچھے چھوڑ دیا

منگل 31 مارچ 2015 11:27

ممبئی(اُردو پوائنٹ اخبار تازہ ترین۔31مارچ۔2015ء) بھارتی فلم نگری میں شاہ رخ خان کی سلمان خان اور عامر خان سے عداوت کسی سے دھکی چھپی نہیں دونوں ہی ایک دوسرے کو نیچا دکھانے کا کوئی موقع ہاتھ سے جانے نہیں دیتے کبھی بازی دبنگ خان اور مسٹر پرفیکٹ کے ہاتھ لگتی ہے تو کبھی کنگ خان کامیاب ہوتے ہیں، یہی ہوا ہے سماجی رابطے کی ویب سائیٹ ٹوئٹر پر جہاں شاہ رخ خان نے سلمان خان اور عامر خان کو پیچھے چھوڑ دیا ہے۔

(جاری ہے)

بھارتی میڈیا کے مطابق سلمان خان کے مقابلے میں شاہ رخ خان سوشل میڈیا خاص طور پر ٹوئٹر پر بہت زیادہ فعال ہیں، وہ مستقل بنیادوں پر ناصرف اپنی فلمی مصروفیات سے اپنے مدوحوں کو آگاہ کرتے رہتے ہیں بلکہ اپنی گھریلو زندگی اور بچوں کی تصاویر بھی شئیر کرتے ہیں ، یہی وجہ ہے سماجی رابطے کی ویب سائیٹ پر ان کے فالوورز کی تعداد ایک کروڑ بیس لاکھ سے تجاوز کرگئی ہے جب کہ عامر خان کے فالوورز کی تعداد ایک کروڑانیس لاکھ جب کہ سلمان خان کے فالوورز کی تعداد ایک کروڑ بیس لاکھ ہے۔واضح رہے کہ بالی ووڈ اداکاروں میں ٹوئٹر پر امیتھابھ بچن سب سے آگے ہیں جن کے فالوورز کی تعداد ایک کروڑ انتالیس لاکھ سے زائد ہے۔

Facebook Twitter Google + Share on Whatsapp

شاہ رخ نے سلمان اور عامر کو ”ٹوئٹر “پر پیچھے چھوڑ دیا

مزید فن و فنکار کی خبریں