پانچ روزہ ٹیسٹ میچوں کو چار دنوں تک محدود کرنے کی تجویز پیش کرنے کا سوچ رہے ہیں،

کولن گریوس

جمعرات 2 اپریل 2015 13:13

پانچ روزہ ٹیسٹ میچوں کو چار دنوں تک محدود کرنے کی تجویز پیش کرنے کا ..

لندن(اُردو پوائنٹ اخبار تازہ ترین۔02 اپریل۔2015ء) انگلینڈ اور ویلز کرکٹ بورڈ (ای سی بی) کے نئے سربراہ کولن گریوس نے کہا ہے کہ ہم پانچ روزہ ٹیسٹ میچوں کو چار دنوں تک محدود کرنے کی تجویز پیش کرنے کا سوچ رہے ہیں۔ایک دن میں 105 اوورز کا کھیل ہونا چاہیے۔ ٹیسٹ میچوں کو جمعرات سے شروع کیا جائے۔ مئی میں اپنی ذمہ داریاں سنبھالنے والے گریوس نے غیر ملکی ویب سائٹ سے گفتگو کر تے ہوئے کہا کہ میرا ذاتی خیال ہے کہ ہمیں چار روزہ کرکٹ پر غور کرنا چاہیئے۔

ایسے میں روزانہ کھیل کا آغاز صبح ساڑھے دس بجے ہوتا ہے ،چونکہ اب تقریباً تمام ہی میدانوں میں فلڈ لائٹس کا انتظام موجود ہے لہذا ایک دن میں90کی بجائے 105 اوورز کا کھیل ہونا چاہیئے ۔انہوں نے کہا کہ ہم خود سے چار روزہ ٹیسٹ میچ متعارف نہیں کرا سکتے، لیکن ہم عالمی سطح پراس تبدیلی کیلئے زور لگا ئیں گے ۔

(جاری ہے)

انہوں نے مزید کہا 'تمام ٹیسٹ میچوں کو جمعرات سے شروع کیا جائے۔

کیونکہ جمعرات اور جمعہ کاروباری جبکہ ہفتہ ، اتوار اہل خانہ کے ساتھ گزارنے کے دن ہیں۔کولن گریوس نے کہا ہے کہ اخراجات کے نقطہ نظر سے دیکھیں تو پانچواں دن ختم ہونے سے میدان اور براڈکاسٹرز کے بہت سے اخراجات بچ سکیں گے ۔واضح رہے کہ یہ تجاویز پہلی مرتبہ رواں سال اس وقت سامنے آئیں جب انگلش بورڈ کی ایک اہم دستاویز مکمل ہونے سے پہلے ہی منظر عام پر آ گئی۔گریوس اور نئے ای سی بی چیف ایگزیکٹیو ٹام ہیرسن نے مستقبل میں انگلش کاوٴنٹی چیمپئن شپ اور ممکنہ 'انگلش پریمئر لیگ ٹی ٹوئنٹی مقابلے' کی تجاویز پر ابتدائی بات چیت بھی کی۔