ملک میں روئی کی پیداوار نے تمام پرانے ریکارڈ توڑ دیئے ، مارچ کے اختتام پر ایک کروڑ 48 لاکھ 38 ہزار بیلز منڈیوں میں لائی گئیں
سندھ اوربلوچستان میں پیداوار میں بالترتیب 5.70فیصداور22.13فیصداضافہ ،پنجاب کے6 اضلاع میں پیداوار میں کمی ریکارڈ کی گئی
جمعہ 3 اپریل 2015 21:16
لاہور( اُردو پوائنٹ اخبار تازہ ترین۔03 اپریل۔2015ء) ملک میں روئی کی پیداوار نے تمام پرانے ریکارڈ توڑ دیئے ، مارچ کے اختتام پر 1کروڑ 48 لاکھ 38 ہزار بیلز ملکی منڈیوں میں لائی گئیں،سندھ اوربلوچستان میں کپاس کی پیداوار میں بالترتیب 5.70فیصداور22.13فیصداضافہ ہوا ،پنجاب کے6 اضلاع میں کپاس کی پیداوار میں0.11فیصد سے لیکر37.38فیصدتک کمی ریکارڈ کی گئی تاہم پنجاب میں کپاس کی مجموعی پیداوار میں 12.87فیصد اضافہ ہوا ہے۔
چیئرمین کاٹن جنرز فورم احسان الحق کے مطابق ملک میں 2011-12ء میں ایک کروڑ 48 لاکھ 13 ہزار بیلز کی پیداوار ریکارڈ کی گئی تھی جبکہ موجودہ سیزن میں اب تک لائی جانے والی بیلز گزشتہ سیزن کے مقابلے میں ساڑھے 14 لاکھ بیلز زائد رہی ۔ پنجاب کی پیداوار 1 کروڑ 8 لاکھ بیلز رہی جبکہ سندھ کی پیداوار 39 لاکھ بیلز رہی۔(جاری ہے)
اعدادوشمار کے مطابق کپاس کی فصل کی اختتامی مرحلے پر صوبہ پنجاب کے6 اضلاع میں کپاس کی پیداوار میں0.11فیصد سے لیکر37.38فیصدتک کمی ریکارڈ کی گئی جبکہ پنجاب میں کپاس کی مجموعی پیداوار میں 12.87فیصد اضافہ ہوا ۔
جن اضلاع کی پیداوارمیں کمی ہوئی ہے ان میں پاکپتن ،وہاڑی،لودھراں،قصور،جھنگ اور سرگودھا شامل ہیں۔سندھ اوربلوچستان میں کپاس کی پیداوار میں بالترتیب 5.70فیصداوربلوچستان میں 22.13فیصداضافہ ریکارڈکیاگیا ہے۔سندھ میں یکم اپریل تک3974500گانٹھ کپاس جیننگ فیکٹریوں میں پہنچی جبکہ گزشتہ سال کے اسی عرصے میں 3760132گانٹھ کپاس فیکٹریوں میں پہنچی تھی۔بلوچستان کی جننگ فیکٹریوں میں یکم اپریل تک 77002گانٹھ کپاس پہنچی ۔صوبہ سندھ کے کپاس پیدا کرنے والے 11اضلاع میں سے 2اضلاع حیدرآباداورجامشورو میں بالترتیب 10.83 اور 21.56فیصد تک کمی ریکارڈ کی گئی۔سندھ کاضلع سانگھڑ کپاس کی پیداوار کے لحاظ سے پہلے نمبر پررہا۔متعلقہ عنوان :
مزید اہم خبریں
-
قومی اسمبلی میں قائد حزب اختلاف کی تقرری معاملہ،حکومت اور سنی اتحاد کونسل میں تنازعہ حل نہیں ہو سکا
-
ای روزگار ٹریننگ پروگرام کے نئے مرحلے کیلئے پنجاب بھر سے 17 ہزار سے زائد درخواستیں موصول
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
-
خطے کے 9 ممالک کے ساتھ پاکستان کا تجارتی خسارہ 10 اعشاریہ98 فیصد بڑھ گیا
-
وفاقی وزیرداخلہ محسن نقوی پشاور پہنچ گئے، امن و امان اور سکیورٹی کی صورتحال کا جائزہ لیں گے
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
نیپرا نے بجلی کی فی یونٹ قیمت4روپے99پیسے بڑھانے پر فیصلہ محفوظ کر لیا
-
عمران ریاض، سمیع ابراہیم سمیت 24 افراد کے نام ای سی ایل میں شامل کرنے کی منظوری
-
قرآن نذر آتش کرنے والا عراقی سویڈن کے رویے سے مایوس
-
وزیرمملکت برائے آئی ٹی شزہ فاطمہ خواجہ سے پاکستان سافٹویئر ہاوسز ایسوسی ایشن کے اعلی سطح وفد کی ملاقات
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.