جماعت اسلامی کی رابطہ عوام مہم شروع ہوچکی،پنجاب میں لاکھوں افراد کوممبر بنائیں گے،5فیصد اشرافیہ،جاگیردار،وڈیرے اور سرمایہ داروں نے18کروڑ عوام کویرغمال بنارکھا ہے،لوگ مسائل سے حل کے لئے بے داغ کردار کی حامل قیادت پراعتماد کااظہارکریں
امیر جماعت اسلامی پنجاب ڈاکٹر سید وسیم اختراور سیکرٹری جنرل نذیر احمد جنجوعہ کابیان
ہفتہ 4 اپریل 2015 14:48
لاہور ( اُردو پوائنٹ اخبار تازہ ترین۔04 اپریل۔2015ء ) امیر جماعت اسلامی پنجاب ڈاکٹر سید وسیم اختراور سیکرٹری جنرل نذیر احمد جنجوعہ نے کہاہے کہ جماعت اسلامی نے رابطہ عوام کا باقاعدہ آغاز کردیا ہے۔دعوتی مہم کے دوران پنجاب میں لاکھوں افراد کوممبربنایا جائے گا جبکہ پورے پاکستان میں ایک کروڑ لوگوں کو جماعت اسلامی کے قریب لایاجائے گا۔رابطہ عوام مہم کے دوران اسلامی پاکستان خوشحال پاکستان کے سلوگن کو زیادہ سے زیادہ عام کیا جائے گا۔
رابطہ عوام کے دوران صوبائی ذمہ داران مختلف اضلاع کادورہ کریں گے۔انہوں نے کہاکہ پاکستان اسلام کے نام پر وجود میں آیااس لئے یہاں اللہ اور اس کے رسول کانظام ہی رائج ہوناچاہئے۔ہم نے68برس ہرنظام کورائج کرکے دیکھ لیااب ضرورت اس امر کی ہے کہ اسلامی نظام حیات کا نفاذ عملاً کیاجائے۔(جاری ہے)
انہوں نے کہاکہ مہم کے دوران نئے بننے والے ممبران سے عہد لیاجائے گا کہ کرپشن،مہنگائی،بے روزگاری،بدامنی،جرائم اور غربت کے خاتمے اور فوری وسستے انصاف کے عدالتی نظام کی تشکیل کی خاطر ممبران کاتعاون اور ووٹ جماعت اسلامی کے لئے ہوگا۔
پاکستان کے18کروڑ عوام شروع دن سے ظلم کی چکی میں پستے آرہے ہیں۔ہر دورکی حکومتوں نے عوام کوسبزباغ دکھاکرلوٹااور جذبات کوشدید ٹھیس پہنچائی ہے۔انہوں نے کہاکہ آج ملک میں ظلم کا نظام چل رہا ہے۔وڈیرے،جاگیردار اور سرمایہ داروں نے پوری قوم کوغلام بنارکھا ہے۔صرف5فیصدمٹھی بھراشرافیہ ملک کے سیاہ وسفیدکے مالک بنے بیٹھے ہیں۔جماعت اسلامی کے رہنماؤں نے عوام سے اپیل کی کہ دہشتگردی کی عفریت،لاقانونیت،لوڈشیڈنگ سے نجات کسانوں کیلئے پورامعاوضہ،مزدوروں کے مفادات کے تحفظ،ٹیکس کے ظالمانہ نظام کی بجائے اسلامی طرزمعیشت کواختیار اور نوجوانوں کوروزگار کی فراہمی کے لئے جماعت اسلامی کاساتھ دیں۔انہوں نے مزیدکہاکہ اس ملک میں جماعت اسلامی واحدسیاسی ودینی جماعت ہے جس کی قیادت ارکان منتخب کرتے ہیں اور یہ ساراعمل موروثیت سے پاک ہے۔جماعت اسلامی ہی ملک وقوم کومحب وطن اور بے داغ کردار کی قیادت فراہم کرسکتے ہیں۔متعلقہ عنوان :
مزید اہم خبریں
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.