روس سے انتہائی جدید میزائل حاصل کرلئے،یہ سعودی عرب میں تیل تنصیبات کو نشانہ بنا سکتے ہیں، سعودی عرب نے ملت یمن کو نشانہ بنایا ہے ہم جواباً اسے نشانہ بنائیں گے،تحریک انصار اللہ یمن کے رہنما ہادی العجیلکی کادعویٰ
ہفتہ 4 اپریل 2015 18:42
صنعاء (اُردو پوائنٹ اخبار تازہ ترین۔04 اپریل۔2015ء) تحریک انصار اللہ یمن کے رہنما ہادی العجیلکی نے کہا ہے کہ انصار اللہ نے روس سے انتہائی جدید میزائل حاصل کیے ہیں جو ہدف کو ٹھیک نشانہ بناتے ہیں اور وہ سعودی عرب کی تیل تنصیبات کو نشانہ بنا سکتے ہیں، سعودی عرب نے ملت یمن کو نشانہ بنایا ہے ہم جواباً اسے نشانہ بنائیں گے۔
(جاری ہے)
ہفتہ کو ایرانی نشریاتی ادارے کی رپورٹ کے مطابق ہادی العجیلکی نے کہا کہ انصار اللہ کے پاس اس قسم کے دسیوں میزائل ہیں، کہا کہ یہ میزائل ملت یمن کے خلاف سعودی عرب کی حکمت عملی کو بدل کر رکھ دیں گے- انھوں نے کہا کہ سعودی عرب اور اتحادیوں کی انٹیلی جنس ایجنسیاں ان میزائلوں کی تعداد اور ان کی تنصیب کے مقام کا پتہ نہیں لگا سکتیں- انہوں نے کہا کہ یہ میزائل اپنی طاقت اور صحیح نشانہ بنانے میں شہرت رکھتے ہیں اور سعودی عرب کے تیل اور اقتصادی تنصیبات اور اسی طرح مصر کی بحریہ کے لیے ایک اسٹریٹجک خطرہ شمار ہوتے ہیں"ہادی العجیلکی" نے کہا کہ دو ہزار نو میں سعودی عرب کے ساتھ جنگ میں ہمارے پاس آج کی طرح کا جدید اسلحہ نہیں تھا لیکن اس وقت ہم علاقے میں ان کی ماہیت کو خطرے سے دوچار کر سکتے ہیں- انھوں نے کہا کہ سعودی عرب نے ملت یمن کو نشانہ بنایا ہے اور اگر یہ جارحیت جاری رہی تو انصار اللہ سعودی عرب کو نشانہ بنائے گی- ہادی العجیلکی نے اپنے بیان میں علی عبداللہ صالح کے حامی فوجیوں کی جانب سے انصار اللہ کی حمایت کی تردید کرتے ہوئے اس بات پر زور دیا کہ یہ افواہیں دشمن کا میڈیا پھیلا رہا ہے- واضح رہے کہ سعودی عرب امریکی اور ان کے عرب اتحادیوں کے جنگی طیارے چھبیس مارچ سے یمن کے مستعفی اور مفرور صدر منصور ہادی کی حمایت میں یمنی عوام پر ہوائی حملے جاری رکھے ہوئے ہیں۔
مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.