چارسدہ ، سفاک بھتیجے کی رشتہ نہ ملنے کی رنجش پر چچا کے گھر میں فائرنگ، چچا،خواتین اور بچوں سمیت10 افرادقتل
واردات کے بعد ملزم ساتھیوں سمیت فرار ،سنگدلی اور بربریت کے اس افسوسناک واقعے کے بعد علاقے کی فضا سوگوار ،ملزم نے ڈیڑھ سال پہلے چچا سے رشتہ نہ مانگنے پر طیش میں آکر ماں باپ ، بھائی اور بھابھی کو قتل کیا تھا،وزیر اعلی خیبر پختونخواہ سمیت سیاسی وسماجی رہنماوٴں کا دردناک واقعہ پر گہرے دکھ اور افسوس کااظہار
اتوار 5 اپریل 2015 11:37
چارسدہ /پشاور(اردو پوائنٹ تازہ ترین اخبار5اپریل ۔2015ء ) چارسدہ کی تحصیل تنگی میں سفاک بھتیجے نے ساتھیوں سمیت رشتہ نہ ملنے کی رنجش پر چچا کے گھر پر فائرنگ کر کے خواتین اور بچوں سمیت10 افراد کوقتل کردیا، واردات کے بعد ملزم ساتھیوں سمیت فرار ہوگیا،سنگدلی اور بربریت کے اس افسوسناک واقعے کے بعد علاقے کی فضا سوگوار ہوگئی،ملزم نے ڈیڑھ سال پہلے چچا سے اس کے لیے رشتہ نہ مانگنے پر طیش میں آکر اپنے ماں باپ ، بھائی اور بھابھی کو بھی قتل کیا تھا،وزیر اعلی خیبر پختونخواہ پرویز خٹک سمیت سیاسی وسماجی رہنماوٴں نے دردناک واقعہ پر گہرے دکھ اور افسوس کااظہار کیا ۔
واقعہ ہفتہ کی شب ساڑھے تین بجے پولیس سٹیشن سے 12 کلومیٹر دور اورنگ زیب قلعہ داوٴود کلے نامی گاوٴں میں پیش آیا۔(جاری ہے)
جہاں سفاک ملزم نے اپنے ہی چچا کے پورے خاندان کی جان لے لی۔ ملزم گل احمد سید علی الصبح ساتھیوں سمیت اپنے چچا کے گھر پہنچا اور اندھا دھند فائرنگ کر دی۔ گولیاں لگنے سے ملزم کے چچا جمال ، چچی زرپری ، چچا زاد بھائی شاہ خالد ، فیصل ، عرفان ، ابوبکر اور چچا زاد بہنیں نویدہ ، کلثوم ، سمیرا اور فاطمہ جاں بحق ہوگئے ۔
سنگدلی اور بربریت کے اس افسوسناک واقعے کے بعد علاقے کی فضا سوگوار ہوگئی۔ واردات کے بعد ملزم ساتھیوں سمیت فرار ہوگیا۔ پولیس کے مطابق بے رحم ملزم نے ڈیڑھ سال پہلے چچا سے اس کے لیے رشتہ نہ مانگنے پر طیش میں آکر اپنے ماں باپ ، بھائی اور بھابھی کو بھی قتل کر دیا تھا۔تنگی پولیس سٹیشن کے محرر گلزار خان نے کہا کہ گل احمد نے اپنے گھر والوں کی رضامندی کے بغیر چچا جمال کی بیٹی سے زبردستی منگنی کی تھی۔ والدین سے اسی معاملے پر جھگڑے کے باعث گل احمد نے 28 نومبر 2014 کو اپنے والدین اور بھائی سمیت گھر کے پانچ افراد کو قتل کر دیا تھا۔پولیس کے مطابق گل احمد اپنے اہلِ خانہ کو قتل کرنے کے بعد علاقہ غیر فرار ہو گئے تھے تاہم ان کے چچا نے اب انھیں اپنے گھر میں پناہ دے رکھی تھی۔پولیس کا کہنا ہے کہ مبینہ طور پر گل احمد کے ہاتھوں چچا اور ان کے خاندان کا قتل شادی کے مسئلے کی وجہ سے ہی ہوا۔مزید قومی خبریں
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
-
نوازشریف 5 روزہ نجی دورے پر چین روانہ ہو گئے
-
وزیراعلیٰ مریم نوازنے پاکستان کے پہلے ورچوئل ویمن پولیس اسٹیشن ’’میری آواز،مریم نواز‘‘کا افتتاح کردیا
-
ورکرزکنونشن، جلسے کروں گا، مطالبات رکھوں گا، دیکھتا ہوں کون روکتا ہے، علی امین گنڈاپور
-
بجلی کے 200 یونٹ سے کم استعمال کرنے والے صارفین کو بھی پھر زائد نرخ اداکرنا پڑھ رہے ہیں
-
پاکستان سمیت دنیا بھر میں کتب کا عالمی دن 23اپریل بروز منگل منایا جائے گا
-
چیئرمین سینیٹ سید یوسف رضا گیلانی نے پارلیمنٹ کے سبزہ زار میں پودا لگایا
-
رونا پارٹی ملک میں انتشار پھیلانا جانتی ہے : عظمیٰ بخاری
-
دینی طلبہ کابنیادی مقصد رضائے الٰہی کاحصول ہونا چاہی:ڈاکٹرراغب نعیمی
-
چوہدری شافع حسین کی زیر صدارت اجلاس ، ایشیائی ترقیاتی بینک کے تعاون سے ٹیکنیکل ایجوکیشن کے فروغ کے جاری پروگرام پر پیش رفت کا جائزہ
-
تحریک انصاف تو اب ختم ہو چکی، تحریک فساد پارٹی اب ختم ہوتی جا رہی ہی: عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.