سانحہ یوحنا آباد، لاہور ہائیکورٹ نے پولیس سے آٹھ اپریل تک تفصیلی رپورٹ طلب کر لی

پیر 6 اپریل 2015 15:42

لاہور ( اُردو پوائنٹ اخبار تازہ ترین۔06 اپریل۔2015ء ) سانحہ یوحنا آباد کے بعد حراست میں لیے گئے افراد کی بازیابی سے متعلق کیس میں لاہور ہائیکورٹ نے پولیس سے آٹھ اپریل تک تفصیلی رپورٹ طلب کر لی۔لاہور ہائیکورٹ کے جسٹس عبدالسمیع خان نے درخواست پر سماعت کی گئی۔

(جاری ہے)

جس میں موقف اختیار کیا گیا کہ سانحہ یوحنا آباد کے بعد پولیس نے اٹھائیس افراد کو غیر قانونی حراست میں لے رکھا ہے۔

حراست میں لیے گئے افراد کو پولیس سے بازیاب کرایا جائے۔ پولیس کی جانب سے عدالت میں رپورٹ جمع کرائی گئی۔ جس میں بتایا گیا کہ گیارہ افراد گھروں میں موجود ہیں اور باقی افراد کے بارے میں پولیس کو کوئی علم نہیں ہے۔ عدالت نے پولیس رپورٹ پر عدم اعتماد کا اظہار کرتے ہوئے آٹھ اپریل تک تفیصلی جواب طلب کر لیا۔