ایمانداری کیا ہوتی ہے،پاکستانی ٹیکسی ڈرائیور نے بیرون ملک گوروں کو بھی سکھادیا
فہد شبیر پیر 6 اپریل 2015 21:28
لندن(اُردو پوائنٹ اخبارتازہ ترین۔6اپریل۔2015ء)برطانیہ میں ایک ایماندار پاکستانی ڈرائیور نے نوٹوں سے بھرا بیگ مسافر کو واپس کرکے نہ صرف اسے بھاری نقصان سے بچالیا بلکہ برطانوی شہریوں اور حکام کے بھی دل جیت لئے۔ ایڈریئن کوئین نامی تاجر 55 سالہ ٹیکسی ڈرائیور محمد نثار کے ساتھ ویسٹ مڈ لینڈز کے والسال ریلوے سٹیشن پہنچے تھے اور منزل پر پہنچتے ہی جلدی کی وجہ سے 10 ہزاربرطانوی پاﺅنڈ (تقریباً 15 لاکھ 22 ہزار پاکستانی روپے) ٹیکسی میں ہی بھول کر ریلوے سٹیشن کی طرف بڑھ گئے۔
ایڈریئن کا کہنا ہے کہ جب انہیں خیال آیا کہ وہ رقم ٹیکسی میں ہی بھول گئے تھے تو ان کا دل ڈوب گیا کیونکہ اس رقم کے بغیر ان کے کاروبار کا برباد ہو جانا یقینی تھا۔ وہ فوری طور پر واپس پلٹے اور کچھ دیر بعد ٹیکسی سٹینڈ پہنچے تو یہ دیکھ کر حیران رہ گئے کہ ڈرائیور محمد نثار رقم کا تھیلا اپنے پاس رکھ کر ان کے منتظر تھے۔(جاری ہے)
وہ کہتے ہیں کہ انہوں نے ڈرائیور کو بتایا کہ تھیلے میں اخبار یا سینڈوچ نہیں بلکہ ان کی 10 ہزار پاﺅنڈ تھے۔
پاکستانی ڈرائیور کی غیر معمولی ایمانداری سے متاثر ہوکر ایڈریئن نے انہیں اپنے گھر پر خصوصی دعوت کے لئے بلایا اور انہیں انعام بھی دیا جس کے ساتھ ایک تحریر بھی منسلک تھی جس پر لکھا، ”دنیا میں میرے بہترین دوست کے لئے۔“ ایڈریئن نے رقم واپس ملنے پر برطانوی حکام کے سامنے بھی پاکستانی ڈرائیور کے بلند کردار کو خوب سراہا۔ واضح رہے کہ محمد نثار اس سے پہلے بھی کئی مسافروں کو قیمتی اشیاءلوٹاچکے ہیں اور ایک مسافر کا پرس اور 150 پاﺅنڈ کی رقم لوٹانے کے لئے وہ اس کے گھر بھی پہنچ گئے تھے۔مزید اہم خبریں
-
مسئلہ فلسطین کا حل خطے میں امن و استحکام کے لیے ضروری ہے، ایرانی صدر
-
افغانستان میں مہنگائی کی شرح منفی 8فیصد ہے جبکہ پاکستان میں 30فیصد ہے
-
وزیر اعلی مریم نواز کی ایران کےصدر ابراہیم رئیسی اور ان کی اہلیہ سے ملاقاتیں،وفد کے اعزاز میں ظہرانہ دیا
-
وزیر اعلیٰ مریم نواز کی ایرانی صدر ابراہیم رئیسی، خاتون اول سے ملاقاتیں ، وفد کے اعزاز میں ظہرانہ ، دیسی کھانوں سے تواضع
-
پنجاب میں پراونشنل انفورسمنٹ اتھارٹی کے قیام کی منظوری دے دی گئی
-
چینی کمپنی کا چپ اور کارڈز مینوفیکچرنگ میں سرمایہ کاری کرنے کا اظہار
-
ایرانی صدر سید ابراہیم رئیسی کی لاہور آمد، وزیر اعلیٰ مریم نواز شریف کا ایرانی صدر کا پرتپاک استقبال
-
پاکستان چھوڑنے والے غیرقانونی افغانیوں کی تعداد 5 لاکھ 42 ہزار سے متجاوز
-
متنازع ٹوئٹس کیس، اعظم سواتی حاضری لگا کر عدالت سے چلے گئے
-
آصفہ بھٹو ایرانی خاتون اوّل کے ساتھ مصروف رہیں
-
190 ملین پاؤنڈز ریفرنس،عمران خان، بشریٰ بی بی کیخلاف مزید 6 گواہوں کے بیان قلمبند
-
میرا خیال ہے دو تین سال اور گزرے تو نیب سے ہمیں پنشن لینا پڑے گی، شاہد خاقان عباسی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.