انٹر ڈسٹرکٹ انڈر19 ٹیبل ٹینس میں پشاور اور سوات نے فائنل کیلئے کوالیفائی کرلیا

منگل 7 اپریل 2015 19:07

پشاور( اُردو پوائنٹ اخبار تازہ ترین۔07 اپریل۔2015ء) انٹر ڈسٹرکٹ میل انڈر19 ٹیبل ٹینس چیمپئن شپ میں سوات اور پشاور ڈسٹرکٹ کی ٹیموں نے فائنل کیلئے کوالیفائی کرلیا ، سیمی فائنل کے موقع پر اسسٹنٹ ڈائریکٹرسپورٹس امیر زاہد شاہ مہمان خصوصی تھے ان کے ہمراہ ڈسٹرکٹ سپورٹس آفیسر سید ثقلین شاہ ، اسٹنٹ ڈائریکٹر جمشید بلوچ ، پاکستان ٹیبل ٹینس فیڈریشن کے سیکرٹری جنرل کفایت الله سمیت دیگر شخصیات بھی موجو د تھے ، ڈائریکٹریٹ آف سپورٹس خیبرپختونخوا کے زیر اہتمام پشاور سٹیڈیم میں منعقدہ انٹر ڈسٹرکٹ میل انڈر19 ٹیبل ٹینس کے پہلے سیمی فائنل میں پشاور نے ایبٹ آباد کو 3-0 سے شکست دی پہلے سنگل میں پشاور کے ابصار نے ایبٹ آباد کے ایمل کو 11-3,11-7 سے شکست دی دوسرے میچ میں پشاور کے امم خواجہ نے ایبٹ آباد کے احمد کو 11-7,11-9 سے ہرایا جبکہ آخری میچ میں پشاور کے فہد خواجہ نے جمال کو 11-3,11-6 سے شکست دیکر فائنل تک رسائی حاصل کی ۔

(جاری ہے)