اداکارہ دیپیکا اب اداکاری کے ساتھ ساتھ گلوکاری بھی کریں گی

بدھ 8 اپریل 2015 11:39

ممبئی (اُردو پوائنٹ اخبار تازہ ترین۔08 اپریل۔2015ء)ماضی میں متعدد اداکاروں نے اپنی فلموں میں گلوکاری کا مظاہرہ بھی کیا جیسے عالیہ بھٹ، سلمان خان اور شردھا کپور، اور اب ان میں دیپکا پڈوکون کا نام بھی شامل ہونے والا ہے جو اپنی زیرتکمیل فلم تماشا میں ایک گانے کے لیے اپنی آواز کا استعمال کریں گی۔

(جاری ہے)

بھارتی میڈیا کے مطابق اس فلم کی ہدایات معروف ڈائریکٹر امتیاز علی دے رہے ہیں جو اس سے پہلے ہائی وے، راک اسٹار اور جب وی میٹ جیسی سپرہٹ فلمیں بناچکے ہیں۔

اس حوالے سے دپیکا کی موسیقار اے آر رحمان کے ساتھ تصویر بھی انٹرنیٹ پر سامنے آئی ہے جس سے عندیہ ملتا ہے کہ یہ باہمی اشتراک پرستاروں کو دیوانہ بنانے کے لیے کافی ثابت ہوگا۔فلم” تماشا“ میں رنبیر کپور اور دپیکا اس فلم کے مرکزی کردار نبھارہے ہیں جس کی شوٹنگ دہلی میں جاری ہے۔یہ رنبیر اور دپیکا کی اکھٹی چوتھی فلم ہے اس سے پہلے یہ دونوں بچنا اے حسینو، بمبئے ٹاکیز اور یہ جوانی ہے دیوانی میں ایک ساتھ نظر آچکے ہیں-

Facebook Twitter Google + Share on Whatsapp

اداکارہ دیپیکا اب اداکاری کے ساتھ ساتھ گلوکاری بھی کریں گی

مزید فن و فنکار کی خبریں