مشرف نے مجھے امریکہ کے حوالے کرنے کافیصلہ کیا،جمالی نے عہدے کی قربانی دے کر امریکہ سے بچایا‘ پاکستان کی تحر یک وخوشحالی کیلئے کر پشن کا خاتمہ اور ایماندار قیادت کا ہو نا بہت ضروری ہے ‘اگر حکمران سنجیدہ ہوں تو ملک کو بجلی کی لوڈشیڈ نگ سے ہمیشہ کیلئے نجات دلائی جاسکتی ہے
پاکستان کے ایٹمی سائنسدان کالاہور میں ایک تقر یب سے خطاب
بدھ 8 اپریل 2015 12:45
لاہور(اُردو پوائنٹ اخبار تازہ ترین۔08 اپریل۔2015ء) پاکستان کے ایٹمی سائنسدان ڈاکٹر عبدالقدیر خان نے انکشاف کیاہے کہ انہیں پرویز مشرف نے امریکہ کے حوالے کرنے کافیصلہ کیاتاہم اس وقت کے وزیراعظم میر ظفراللہ جمالی نے اپنے عہدے کی قربانی دے کر مجھے امریکہ سے بچایا‘پاکستان کی تحر یک وخوشخالی کیلئے کر پشن کا خاتمہ اور ایماندار قیادت کا ہو نا بہت ضروری ہے ‘اگر حکمران سنجیدہ ہوں تو ملک کو بجلی کی لوڈشیڈ نگ سے ہمیشہ کیلئے نجات دلائی جاسکتی ہے ۔
لاہور میں ایک تقریب سے خطاب کرتے ہوئے ڈاکٹرعبدالقدیر نے بتایاکہ پرویز مشرف نے طیارہ تیار کروالیا تھا اورکابینہ کی منظوری کے لیے وزیراعظم کو احکامات بھی جاری کردیئے گئے تاہم وزیراعظم نے جرات کا مظاہرہ کیا۔(جاری ہے)
انہوں نے کہا کہ اقتدار میں آنے سے پہلے بھی ان کی پرویزمشرف سے ملاقات ہوچکی تھی ‘ میزائل ٹیکنالوجی سے متعلق بحیثیت کورکمانڈر منگلا وہ پرویز مشرف سے مل چکے تھے لیکن اس وقت کے آرمی چیف جنرل جہانگیر کرامت کی اجازت سے ان کے پاس پہنچے تو منہ سے شراب کی بو آرہی تھی۔
انہوں نے کہا کہ پاکستان میں وسائل کی کمی نہیں مگر بدقسمتی سے پاکستان میں جو بھی اقتدار میں آتا ہے اسکی توجہ ملکی مسائل کا حل صرف کر پشن اور لوٹ مار کر مر کوز ہو تی ہے جسکی وجہ سے پاکستان بجلی کی لوڈشیڈ نگ اور کر پشن سمیت دیگر مسائل کا شکار ہو چکاہے اور غر یب آدمی کی مشکلات میں کمی کی بجائے مسلسل اضا فہ ہو رہا ہے ۔ انہوں نے کہا کہ پر ویز مشرف نے اس ملک کے ساتھ بہت ظلم کیا اور ملک پرو یز مشرف کی غلط پا لیسوں کی وجہ سے ہی آج دہشت گردی کا شکار ہے اور مجھے بھی پرویز مشرف نے امریکہ کے حوالے کرنے کافیصلہ کرلیاتاہم اس وقت کے وزیراعظم میر ظفراللہ جمالی نے اپنے عہدے کی قربانی دے کر مجھے امریکہ سے بچایا۔ انہوں نے کہا کہ میں نے ہمیشہ پاکستان کے مفادات کا تحفظ کیا ہے اور آج بھی اگر ملک وقوم کی خدمت کی بات ہو تو میں ہر قر بانی دینے کو تیار ہوں اور میں چاہتاہوں پاکستان تر قی یافتہ اور خوشخال ہو ۔مزید اہم خبریں
-
بلو رانی والے الفاظ ایف آئی آر میں کہاں ہیں؟
-
فرانس میں تیرہ سال سے کم عمر بچوں کے رات کےاوقات میں باہر نکلنے پر کرفیو عائد
-
عدت میں نکاح کیس، بانی پی ٹی آئی و بشریٰ بی بی کی اپیلوں پر سماعت 30 اپریل تک ملتوی
-
صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات
-
ہم ایک ایسا معاشرہ بنائیں گے جس کا خواب قائد نے دیکھا تھا، وزیراعظم شہباز شریف
-
جو نام بانی پی ٹی آئی دیں گے وہی چیئرمین پی اے سی ہو گا، عمرایوب
-
پارٹی کے اندرونی معاملات پر پارٹی میں ہی بحث کرنی ہے، چیئرمین پی ٹی آئی کا شیرافضل مروت کو انتباہ
-
9 مئی کو پی ٹی آئی نے پرامن احتجاج کیا، پارٹی نے کسی کو پرتشدد ہونے کا نہیں کہا
-
یرغمال تفریح گاہیں
-
رشوت خوری کا الزام، روس کے نائب وزیر دفاع گرفتار
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.