رواں مالی سال میں پاکستان میں غیر ملکی سرمایہ کاری میں118.7فیصد بڑھی ، سٹیٹ بینک
جمعرات 16 اپریل 2015 22:47
کراچی (اُردو پوائنٹ اخبار تازہ ترین۔ 16اپریل۔2015ء) رواں مالی سال کے پہلے نو ماہ کے دوران غیر ملکی نجی اور سرکاری شعبے کی طرف سے پاکستان کی سٹاک مارکیٹ، حکومتی بانڈز اور دوسرے شعبوں میں مجموعی طور پر ایک ارب 76 کروڑ 52 لاکھ ڈالر کی سرمایہ کاری کی گئی جو گزشتہ مالی سال کے دوران اس عرصے میں ہونے والی سرمایہ کاری سے 118.7 فیصد زیادہ ہے، گزشتہ مالی سال جولائی سے مارچ تک مجموعی طور پر 80 کروڑ 72 لاکھ ڈالر کی سرمایہ کاری کی گئی تھی، رواں مالی سال غیر ملکی سرمایہ کاری میں زیادہ اضافہ غیر ملکی سرکاری شعبے کی طرف سے پاکستانی سکوک بانڈز اور نجی شعبے کی طرف سے اسٹاک مارکیٹ میں سرمایہ کاری بڑھنے کی وجہ سے ہوا،غیرملکی نجی شعبے کی طرف سے صنعتی شعبے میں کی گئی براہ راست سرمایہ کاری کا حقیقی حجم گزشتہ سال کے مقابلے میں صرف 0.1 فیصد زیادہ ہے،ا سٹیٹ بینک آف پاکستان کے مطابق رواں مالی سال کے دوران نجی شعبے کی مختلف صنعتی شعبوں میں براہ راست سرمایہ کاری کا حجم ایک ارب 89 کروڑ 13 لاکھ ڈالر رہا، جو گزشتہ سال سے 20.6 فیصد زیادہ ہے جبکہ اس دوران ایک ارب 18کروڑ 12لاکھ ڈالر کا انخلاء بھی ہوا جو گزشتہ سال سے 37.5فیصد زیادہ ہے، اس طرح نو ماہ میں غیر ملکی نجی شعبے کی سرمایہ کاری کا حقیقی حجم 71کروڑ 1لاکھ ڈالر رہا، گزشتہ مالی سال اس عرصے میں ایک ارب 56 کروڑ 84لاکھ ڈالر کی براہ راست سرمایہ کاری کی گئی جبکہ 85کروڑ 93 لاکھ ڈالر کا انخلاء ہوا تھااور سرمایہ کاری کا حقیقی حجم 70 کروڑ 91 لاکھ ڈالر تھا، رواں مالی سال جولائی سے مارچ تک اسٹاک مارکیٹ میں نجی شعبے کی طرف سے 10کروڑ 6 لاکھ ڈالر کی سرمایہ کاری کی گئی جو گزشتہ مالی سال سے 182.5 فیصد زیادہ ہے، گزشتہ سال اس عرصے میں پورٹ فولیو سرمایہ کاری کا حجم صرف3 کروڑ 56 لاکھ ڈالر تھا، رواں مالی سال آٹھ ماہ میں غیر ملکی سرکاری شعبے کی طرف سے حکومتی بانڈز اور سیکیورٹیز میں 95کروڑ 45 لاکھ ڈالر کی نئی سرمایہ کاری کی گئی جو گزشتہ سال سے 1427 فیصد زیادہ ہے ، گزشتہ مالی سال اس عرصے میں غیر ملکی سرکاری شعبے کی طرف سے صرف 6 کروڑ 25 لاکھ ڈالر کی سرمایہ کاری ہوئی تھی،رپورٹ کے مطابق نوماہ کے دوران مجموعی طور پر تو غیرملکی سرمایہ کاری میں اضافہ ریکارڈ کیا گیا تاہم مارچ کے دوران صرف صنعتی شعبے میں ہونے والے سرمایہ کاری میں اضافہ دیکھا گیا ، پورٹ فولیو اور سرکاری بانڈز میں ہونے والی سرمایہ کاری میں سے سرمائے کا انخلاء دیکھا گیا،مارچ میں غیرملکی نجی شعبے کی طرف سے صنعتی شعبے میں سرمایہ کاری کا حقیقی حجم 9 کروڑ 47 لاکھ ڈالر رہا، جبکہ پورٹ فولیو سرمایہ کاری سے 9 کروڑ 43 لاکھ ڈالر اور سرکاری بانڈز میں سرمایہ کاری سے ایک کروڑ 9 لاکھ ڈالر کا انخلاء ہوا�
(جاری ہے)
�
متعلقہ عنوان :
مزید اہم خبریں
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.