آئی سی سی کا ایکشن، سری لنکن کرکٹ بورڈ پریشان

ہفتہ 18 اپریل 2015 16:19

کولمبو(اُردو پوائنٹ اخبار تازہ ترین۔ 18اپریل۔2015ء) آئی سی سی کے آنکھیں دکھانے پر سری لنکا پریشان ہو گیا، حکام نے فنڈز روکے جانے پر مختلف آپشنزپر غور شروع کر دیا ہے۔ وزیر کھیل نوین دیسانائیکے نے کہا کہ ہمارے لیے ملکی قوانین سب سے زیادہ مقدم ہیں، ابھی تک کونسل نے ہم سے سری لنکن کرکٹ بورڈ میں حکومتی تقرریوں پر تحریری طور پر کوئی وضاحت طلب نہیں کی، البتہ اگر رابطہ کیا تودیکھیں گے کہ کہیں ہمارا اقدام کونسل کے چارٹر سے متصادم تو نہیں، اس کے بعد اگلے اقدام کا سوچا جائیگا۔

انھوں نے مزید کہا کہ آئی سی سی کا مطلوبہ معیار کسی بھی ملک کے کرکٹ بورڈ میں آزادانہ اور منصفانہ الیکشن کے نتیجے میں عہدیداروں کا انتخاب ہے، یاد رہے کہ گذشتہ دنوں دبئی میں منعقدہ بورڈ اجلاس میں کونسل نے سری لنکن نمائندگی کے لیے9 رکنی عبوری کمیٹی کے ممبر محمد نوسکی کو دعوت دی تھی جو انھوں نے ٹھکرا دی، البتہ چیف ایگزیکٹیو میٹنگ میں ایشلے ڈی سلوا نے شرکت کو ممکن بنایا تھا، آئی سی سی نے حکومتی مداخلت پر سری لنکا کے فنڈز روک لیے ہیں۔

(جاری ہے)

یہ رقم 'امانتی' اکاوٴنٹ میں رکھ دی گئی، بورڈ اجلاس میں اس بات کا جائزہ لیا گیا تھا کہ کیا سری لنکن حکومت کا یہ اقدام کونسل کے آئین کی خلاف ورزی تو نہیں، سری لنکا عالمی کرکٹ سے معطلی سے تو بچ گیا مگر اس کا کیس گورننس ریویو کمیٹی کے سپرد کر دیا گیا ہے، کمیٹی سری لنکن حکام سے کرکٹ معاملات میں مداخلت اور عبوری سیٹ اپ کی تفصیلی وضاحت طلب کرے گی۔

Facebook Twitter Google + Share on Whatsapp

آئی سی سی کا ایکشن، سری لنکن کرکٹ بورڈ پریشان

متعلقہ عنوان :

مزید کھیلوں کی خبریں