امریکن آئس ہاکی لیگ ، نیویارک رینجرز کی پٹس برگ پینگوئن کو مات

ہفتہ 25 اپریل 2015 12:35

نیویارک (اردو پوائنٹ تازہ ترین اخبار25اپریل۔2015ء) امریکن آئس ہاکی لیگ میں نیویارک رینجرز کی ٹیم نے پٹس برگ پینگوئن کو ایک کے مقابلے دو گول سے شکست دے دی ہے ۔

(جاری ہے)

امریکہ کے شہر نیویارک میں آئس ہاکی لیگ کے کانٹے دار مقابلوں کا سلسلہ جاری ہے ، لیگ کے پہلے مرحلے کے فائنل راؤنڈ میں پٹس برگ پینگوئن اور میزبان رینجرز کی ٹیمیں آمنے سامنے ہوئیں ، دونوں ٹیموں نے شاندار کھیل کا مظاہرہ کرتے ہوئے گول پوسٹ پر تابر توڑ حملے کئے ۔ نیویارک کے ڈیرک سٹیپن نے پہلا گول سکور کر کے ٹیم کو ایک صفر کی برتری دلائی جبکہ فلوری نے دوسرا گول کر کے ٹیم کی فتح یقینی بنائی ۔ اگلے راؤنڈ میں نیویارک رینجرز کا مقابلہ واشنگٹن کیپٹلز یا نیویارک آئی لینڈرز میں سے کسی ایک کے ساتھ ہوگا ۔