پریانکا چوپڑا کزن کو بچانے کیلیے میدان میں آگئیں

ممبئی(اُردو پوائنٹ اخبار تازہ ترین۔ 25اپریل۔2015ء) بالی ووڈ اداکارہ پرینیتی چوپڑا جو گزشتہ برس فلم کل دل کی ریلیز کے بعد فلموں سے آوٴٹ ہوچکی ہیں کو ان دنوں کسی ایسے اسکرپٹ کاانتظار ہے جس کی وجہ سے ایک مرتبہ پھر بالی ووڈ میں انٹری دیے سکیں۔ زرائع کا کہنا ہے کہ بالی ووڈ کی سپر اسٹار پریانکا چوپڑا اب اپنی کزن کا کیریئر بچانے کے لیے میدان میں آگئی ہیں اور انھوں نے پرینیتی چوپڑا کے لیے ایک فلم پروڈیوس کرنے کا فیصلہ کرلیا ہے۔

بھارتی میڈیا کے مطابق پریانکا نے پرینیتی کو کچھ اسکرپٹ بھجوائے ہیں اور کہا ہے کہا اگر اسے ان میں سے کوئی اسے پسند ا?تا ہے تو اس کے لیے فلم کی پرودکشن کرنے کے لیے تیار ہے۔ واضح رہے کہ پرینیتی کئی مرتبہ اس بات کا اظہار کرچکی ہیں کہ وہ اپنے کیرئیر کے سلسلہ میں پریانکا سے مشورہ لیتی اور ان پر عمل کرتی ہیں جب کہ حال ہی میں اس نے باندرہ میں پریانکا ہی کی پسند کے مطابق گھر بھی خریدا ہے۔

(جاری ہے)

دوسری طرف پرینیتی کے ترجمان نے پریانکا کی جانب سے اسکرپٹ بھجوائے جانے کی خبروں کو مسترد کرتے ہوئے کہا ہے کہ پریانکا چوپڑا اور پرینیتی آپس میں کزنز ہیں مگر اس کے باوجود پریانکا کبھی بھی اس کے لیے کوئی فلم پروڈیوس نہیں کریں گی اور نہ ہی انھوں نے ایسا کرنے کا کہا ہے۔ ادھرعالیہ بھٹ بھی اپنی دوست پرینیتی کا بالی ووڈ میں کیریئربچانے کے لیے سرگرم ہیں اور انھیں اکثر فلموں کے انتخاب کے سلسلہ میں مشورے دیتی ہیں عالیہ کا کہنا ہے کہ اسے ایسی فلموں کا انتخاب کرناچاہیے جس میں اس کا کردار زیادہ سے زیادہ نمایاں ہوں تاکہ لوگ اس کے متعلق گفتگو کرسکیں اور اسے کچھ کردکھانے کا موقع ملے اور یہی واحد راستہ ہے جو اسے بالی ووڈ میں زندہ رکھ سکتا ہے۔