امریکی ڈرون طیارے نے فضا میں ری فیولنگ کرکے نئی تاریخ رقم کردی

ہفتہ 25 اپریل 2015 21:44

نیویارک (اُردو پوائنٹ اخبار تازہ ترین۔ 25اپریل۔2015ء) امریکی انجینئرز نے ریموٹ کنٹرول ڈرون طیاروں کو بھی فضا میں ری فیولنگ کی صلاحیت دے کر نہ صرف کمال کردیا بلکہ جنگی میدان میں ایک نئی تاریخ رقم کردی ہے۔امریکی بحریہ کا ڈرون طیارہ ایکس 47 بی فضا میں ری فیولنگ کرنے والا دنیا کا پہلا طیارہ بن گیا جس نے میری لینڈ کے ساحل چیسا پیک پر اڑتے ہوئے فیول ہوز یا ڈروج کی مدد سے 4ہزار پاؤنڈ فیول حاصل کیا۔

(جاری ہے)

امریکی بحری حکام کے مطابق یہ طیارہ بحریہ کے فلیٹ کا حصہ ہے اور اس کے کیرئیر سے پرواز بھرتا ہے جب کہ یہ صلاحیت حاصل کرنے کے بعد یہ طیارہ نہ صرف زیادہ دیر تک فضا میں محو پرواز رہ سکتا ہے بلکہ اس کی صلاحیت میں بھی اضافے کا باعث ہے۔واضح رہے کہ ڈرون طیاروں کو عام طور پر ہائیڈروجن فیول سیل سے چلایاجاتا ہے تاہم لیکویڈ ہائیڈروجن کو فیول سیل ٹیکنالوجی سے ملا کر اسے مزید جدید شکل دی جارہی ہے جس سے ڈرون زیادہ دیر تک پرواز کرسکتا ہے۔

Facebook Twitter Google + Share on Whatsapp

امریکی ڈرون طیارے نے فضا میں ری فیولنگ کرکے نئی تاریخ رقم کردی

متعلقہ عنوان :

مزید بین الاقوامی خبریں