چنیوٹ‘شادی والے روز دلہن دولہے کے چچا کیساتھ بھاگ گئی
دولہا اور باراتی منہ لٹکاے بھوکے پیاسے واپس لوٹ آئے‘باراتیوں نے دولہے اور دلہن کے باپ کی پٹائی کرڈالی
اتوار 10 مئی 2015 14:15
چنیوٹ(اُردو پوائنٹ اخبار تازہ ترین۔ 10 مئی۔2015ء)شادی والے روز دلہن دولہے کے چچا کیساتھ بھاگ گئی ۔چنیوٹ کی تاریخ میں” انوکھی بارات “دولہا بینڈ باجوں اور باراتیوں کے ہمراہ دلہن کے گھرپہنچا تو معلوم ہوا کہ بارات کی آمد سے قبل ہی دلہن دولہا کے چچا کے ساتھ بھاگ گئی ہے جس سے دولہا اور باراتی منہ لٹکاے بھوکے پیاسے واپس لوٹ آئے واقعہ کا علم ہونے پر اکثر باراتیوں نے دولہے اور دلہن کے باپ کی پٹائی بھی کرڈالی بتایا گیا ہے کہ چنیوٹ کے نواحی ہرسہ شیخ کے رہائشی ثقلین ولدناصر قوم مسلم شیخ کی شادی تین ماہ قبل ٹھٹھہ کرم شاہ کے محمد علی کی بیٹی ممتاز بی بی سے ہونا قرار پائی شادی کی تاریخ طے کرنے والے روز دولہا ثقلین کی دادی کا انتقال ہو گیا جبکہ گزشتہ مہندی کی رات بد قسمتی سے دولہا کا دادا انتقال کر گیا اور جب اگلے روز بارات پوری دھوم دھام کے ساتھ بینڈ باجا لئے دولہن کے گھر پہنچی تو اہل علاقہ کی جانب سے دولہے اور اسکے ہمراہ باراتیوں کو یہ منھوس خبر سننے کو ملی کہ دولہن دولہے کے سگے چچا منصب علی کے ساتھ بھاگ گئی ہے معلوم ہوا ہے کہ دولہن شادی سے قبل ہی دولہے کے چچا سے بے پناہ محبت کرتی تھی اور اسی کے ساتھ شادی کروانا چاہتی تھی مگر رشتہ دباؤ کی وجہ سے یہاں طے ہوا مگر دونوں پریمیوں نے بھاگ کر ایک جانب تو محبت کو امر کردیا تو دوسری جانب نئی زندگی کی امیدیں لئے سہرا سجا کر جانے والے دولہے اور اسکے ہمراہ سینکڑوں باراتیوں کی امیدوں کو بھی چکنا چور کردیا یہ بھی معلوم ہوا ہے کہ بارات میں شامل دولہے کے عزیز و اقارب اور دوستوں نے بھوک اور پیاس کی سزا سے دلبداشتہ ہو کر دولہا اور دولہن کے والدین کی دھلائی بھی کر دی اور ساتھ ہی ساتھ دولہا ثقلین کو منحوس قرار دیدیا -
مزید قومی خبریں
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
-
پا کستا ن کے تیسرے بڑے شہر فیصل آبا د میں ڈکیتی‘ راہزنی اور چوری کی وارداتوں کا سلسلہ جاری
-
چیئرمین و ڈپٹی چیئرمین سینیٹ کاگوادر میں معصوم مزدورں کے قتل پر افسوس کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.