خیبرپختونخوا حکومت کا سات لاکھ 43 ہزار نادار ، مستحق خاندانوں کو سستا آٹا ، گھی فراہم کرنے کیلئے انصاف کارڈز جاری کرنے کافیصلہ
وزیراعلی خیبرپختونخوا کی زیرصدارت اعلی سطحی اجلاس،انصاف کارڈز منصوبے پر پیش رفت کا جائزہ لیا گیا ، کارڈز کے اجراء کیلئے انتظامات کو حتمی شکل دی گئی نادرا مستحقین کے شناختی کارڈوں کی جلد تجدید کیلئے ضروری اقدامات کرے جو اپنے زائد المیعاد شناختی کارڈوں کے باعث فوری طور پر سستا آٹا اور گھی حاصل نہیں کرسکیں گے،وزیراعلی خیبرپختونخوا پرویزخٹک
پیر 11 مئی 2015 19:35
پشاور(اُردو پوائنٹ اخبار تازہ ترین۔ 11 مئی۔2015ء) خیبرپختونخوا حکومت صوبے کے سات لاکھ 43 ہزار نادار اور مستحق خاندانوں کو سستا آٹا اور گھی فراہم کرنے کیلئے انصاف کارڈز عنقریب جاری کرے گی یہ یقین دہانی خیبرپختونخوا کے وزیراعلیٰ پرویز خٹک کو پیر کے روز وزیراعلیٰ ہاؤس میں ایک اجلاس کے دوران کرائی گئی جس میں انصاف کارڈز کے ذریعے مستحق افراد کو سستا آٹا اور گھی فراہم کرنے کے منصوبے پر پیش رفت کا جائزہ لیا گیا اور کارڈز کے اجراء کیلئے انتظامات کو حتمی شکل دی گئی اجلاس میں دوسروں کے علاوہ صوبائی وزیر تعلیم محمد عاطف خان، وزیراعلیٰ کے مشیر برائے مواصلات و تعمیرات اکبر ایوب، ایڈیشنل چیف سیکرٹری، سیکرٹری اطلاعات، انصاف کارڈ کے پراجیکٹ ڈائریکٹر اور نادرا حکام نے شرکت کی وزیراعلیٰ پرویز خٹک نے نادرا کو ہدایت کی کہ وہ اُن مستحقین کے شناختی کارڈوں کی جلد تجدید کیلئے ضروری اقدامات کرے جو اپنے زائد المیعاد شناختی کارڈوں کے باعث فوری طور پر سستا آٹا اور گھی حاصل نہیں کرسکیں گے اُنہوں نے کہا کہ صوبے کے تمام مستحقین کو سستا آٹا اور گھی کیلئے انصاف کارڈ ضلعی سطح پر فراہم کئے جائیں تاکہ ان کارڈزکے حصول میں انہیں آسانی ہو اُنہوں نے نادار افراد کیلئے ہیلتھ انشورنس سکیم شروع کرنے کی تجویز کے قابل عمل ہونے کا جائزہ لینے کی بھی ہدایت کی اجلاس کو تبایا گیا کہ صوبہ بھر میں کل سات لاکھ 43 ہزار خاندانوں کو خیبرپختونخوا حکومت کی سستا آٹا اور گھی سکیم سے مستفید ہونے کا حقدار قرار دیا گیا ہے سکیم کے پراجیکٹ ڈائریکٹر نے اجلاس کو بتایا کہ اس سکیم کیلئے پانچ لاکھ 60 ہزار درخواست گزاروں کے کمپیوٹرائزڈ شناختی کارڈز انصاف کارڈز کے اجراء کیلئے درست پائے گئے ہیں جبکہ ایک لاکھ 83 ہزار افراد کے شناختی کارڈ زائد المیعاد یا دیگر خامیوں کے حامل ہیں اُنہوں نے بتایا کہ ان خامیوں کے باعث ایسے افراد کیلئے انصاف کارڈز کی تیاری میں دشواریوں کا سامنا ہے دریں اثناء محکمہ تعلیم کے اُمور سے متعلق ایک اجلاس کی صدارت کرتے ہوئے وزیراعلیٰ پرویز خٹک نے محکمہ مواصلات و تعمیرات کو ہدایت کی کہ وہ صوبے کے پرانے اور تاریخی سکولوں کی خستہ حال عمارتوں کو ان کی عظیم الشان تاریخی شکل میں بحال کرنے کیلئے ماہر کنسلٹنس کا معاوضہ مروجہ قواعد کے مطابق طے کرے واضح رہے کہ خیبرپختونخوا حکومت نے صوبہ بھر میں 200 پرانے اور تاریخی سکولوں کی خستہ حال عمارتوں کی اصل حالت میں بحالی و تزئین و آرائش اور ان میں جدید سہولتوں کی فراہمی کیلئے چار ارب60 کروڑ روپے مختص کئے ہیں وزیراعلیٰ نے اجلاس میں سی اینڈ ڈبلیو کو ہدایت کی کہ وہ محکمہ کے ٹھیکوں کیلئے نظر ثانی شدہ شیڈول ریٹس سال میں دو مرتبہ کے بجائے صرف ایک بارجون میں جاری کرے۔
متعلقہ عنوان :
مزید اہم خبریں
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
-
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم
-
سائنسی بنیاد پر رمضان کا چاند 29 کا ہونے کا امکان
-
وزیراعلی مریم نوازکی زیر صدارت اجلاس، پنک راک سالٹ کی خام حالت میں برآمدپر پابندی پراتفاق
-
چوہدری پرویزالہٰی کی سی ٹی اسکین رپورٹ ڈاکٹرز کو موصول
-
چئیرمین رویت ہلال کمیٹی نے پاکستان میں سائنسی بنیاد پر عید الفطر کی تاریخ بتا دی
-
پنجاب حکومت کا کاشتکاروں کو60 فیصد سبسڈی پر 56 اقسام کی زرعی مشینری دینے کا فیصلہ
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
-
یوکرین کے وزیر خارجہ بھارت کے دورے پر نئی دہلی پہنچ گئے
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.