فلپائن : فیکٹری میں آگ لگنے سے 72 ہلاک
جمعرات 14 مئی 2015 11:44
منیلا(اُردو پوائنٹ اخبار تازہ ترین۔14مئی2015ء) فلپائن کے دارالحکومت منیلا میں ایک جوتے بنانے والی فیکٹری میں آگ لگنے کے نتیجے میں 72 افراد ہلاک جبکہ متعدد لاپتہ ہوگئے۔ خبر رساں ادارے اے ایف پی نے مقامی انتظامیہ کے حوالے سے 72 ہلاکتوں کی تصدیق کی ہے۔ نیشنل پولیس چیف لیونارڈو ایسپنا نے اپنی انتہائی جذبات پریس کانفرنس کے دوران بتایا کہ زیادہ تر افراد کی محض ہڈیاں اور ڈھانچے برآمد ہوئے ہیں۔
خبر رساں ادارے ایسوسی ایٹڈ پریس (اے پی) نے ہلاک اور لاپتہ افراد کے رشتے داروں کے حوالے سے بتایا ہے کہ حادثے کی وجہ آگ سے بچاؤ کا خراب حفاظتی معیار تھا، جبکہ دوسری منزل پر لگائی گئی لوہے کی گِرلوں کی وجہ سے بھی لوگوں کو انخلاء کا راستہ نہیں مل سکا۔ اس کے ساتھ ساتھ فیکٹری ملازمین کو مناسب سیفٹی ٹریننگ بھی فراہم نہیں کی گئی تھی۔(جاری ہے)
فائر بریگیڈ اور امدادی ٹیموں نے لاپتہ افراد کی تلاش کے لیے آپریشن کا آغاز کیا، تاہم بدھ کو رات گئے لگنے والی اس آگ کے بعد گرمی کی شدت بڑھ جانے اور عمارت کی مخدوش صورتحال کے باعث تلاش کا کام روک دیا گیا، جسے جمعرات کو دوبارہ شروع کیا گیا۔
عینی شاہدین کے مطابق آگ لگنے سے قبل دھماکے کی آواز سنی گئی، تاہم واقعہ کی تفتیش جاری ہے۔ حکام نے ہلاکتوں میں مزید اضافے کا خدشہ بھی ظاہر کیا ہے۔ منیلا کے مضافات میں واقع اس دو منزلہ فیکٹری میں تقریباً 300 افراد کام کرتے تھے، فیکٹری میں مقامی مارکیٹ کے لیے پلاسٹک کے سستے جوتے اور چپلیں بنائی جاتی تھیں۔ جبکہ اس حوالے سے بھی سوالات اٹھائے جارہے ہیں کہ فیکٹری مالکان نے فائر اینڈ بلڈنگ سیفٹی اسٹینڈرڈز پر عمل کیا یا نہیں۔متعلقہ عنوان :
مزید اہم خبریں
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
-
تعلیمی اداروں میں موسم بہار کی تعطیلات کا اعلان
-
’چیف جسٹس آف پاکستان نے سخت موقف نہیں اپنایا، تو عدلیہ کی آزادی ایک خواب بن جائے گی‘
-
وفاقی حکومت نے نگران حکومت کی معاشی شرح نمو پر نظرثانی رپورٹ جاری کردی
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
-
وفاقی حکومت کا بجلی چوری اور سہولت کاری میں ملوث افسران کیخلاف کاروائی کا فیصلہ
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
-
صدرمملکت آصف علی زرداری سے برطانوی ہائی کمشنر جین میریٹ کی ملاقات
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.