ویرات کوہلی میچ کے دوران سری لنکن امپائردھرما سینا سے الجھ پڑے

اتوار 17 مئی 2015 14:41

حیدر آباد دکن(اُردو پوائنٹ اخبار تازہ ترین۔ 17 مئی۔2015ء) بھارتی بلے باز ویرات کوہلی آئی پی ایل کے میچ کے دوران امپائر سے الجھ پڑے۔انڈین پریمیئر لیگ میں حیدرآباد سن رائزرز اور رائل چیلینجز بنگلور کے درمیان میچ جاری تھا کہ اس دوران ہلکی بارش شروع ہوگئی ،موسلا دھار بارش کی وجہ سے پہلے ہی میچ کو 11 اوورز تک محدود کردیا گیا تھا۔پہلی اننگز کے آخری اوورز کی چوتھی گیند پر ویرات کوہلی اپنی جانب آئی گیند پکڑنے میں ناکام رہے اوربال ان کے ہاتھ سے پھسل گئی۔

(جاری ہے)

اس پر ویرات کوہلی اور وکٹ کیپر دینیش کارتک نے سری لنکن امپائر کمارا دھرما سیناسے احتجاج کیا اور تیز بارش کے باوجود میچ جاری رکھنے پر ناراضی کا اظہار کیا۔بات صرف یہیں ختم نہیں ہوئی بلکہ اننگز ختم ہونے کے بعد غصے میں بھپرے ہوئے ویرات کوہلی امپائر دھرما سینا کے پاس گئے اور ان سے سخت الفاظ میں دریافت کیا کہ بارش کے باوجود میچ کیوں نہ روکا گیا۔اس دوران بھارت سے تعلق رکھنے والے امپائر انیل چوہدری نے ویرات کوہلی کوخاموش کرایا جبکہ امپائردھرما سینا خاصے ناراض نظر آئے۔دوسری جانب امپائر سے تلخ کلامی پر تاحال ویرات کوہلی کے خلاف کوئی کارروائی عمل میں نہیں لائی گئی ہے

Facebook Twitter Google + Share on Whatsapp

ویرات کوہلی میچ کے دوران سری لنکن امپائردھرما سینا سے الجھ پڑے

مزید کھیلوں کی خبریں