محمد عامر کوآسٹریلوی ٹی ٹوئنٹی لیگ کھیلنے کی پیشکش

فہد شبیر اتوار 17 مئی 2015 21:57

میلبورن(اُردو پوائنٹ اخبارتازہ ترین۔17مئی۔2015ء) پابندی کا شکار پاکستانی فاسٹ بولر محمد عامر کو آسٹریلوی ٹی ٹوئنٹی لیگ بگ بیش کی جانب سے کھیلنے کی پیش کش کی گئی ہے۔ 23 سالہ فاسٹ بولر محمد عامرپر اسپاٹ فکسنگ کیس میں انٹرنیشنل کرکٹ کونسل کی جانب سے عائد کردہ 5 سالہ پابندی رواں سال 2 ستمبر کو ختم ہورہی ہے، اہم وہ آئی سی سی کی خصوصی اجازت کے تحت ڈومیسٹک کرکٹ کھیل رہے ہیں۔

(جاری ہے)

ذرائع کے مطابق آسٹریلوی بگ بیش کی ایک ٹیم نے محمد عامر سے رابطہ کرکے انہیں اپنے ساتھ کھیلنے کی پیشکش کی ہے جس کے بعد نوجوان فاسٹ بولر اس پیشکش پر غور کر رہے ہیں اور قوی امکان ہے کہ وہ آئندہ سیزن میں بگ بیش کا حصہ ہوں گے۔ واضح رہے کہ آئی سی سی نے 2010 میں انگلینڈ کے خلاف کھیلے گئے لارڈز ٹیسٹ میں جان بوجھ کر نوبال کرنے پر اسپاٹ فکسنگ کا الزام عائد کرتے ہوئے محمد عامرپر 5 سال کی پابندی عائد کردی تھی۔

Facebook Twitter Google + Share on Whatsapp

محمد عامر کوآسٹریلوی ٹی ٹوئنٹی لیگ کھیلنے کی پیشکش

مزید کھیلوں کی خبریں