2 سال بعد یوسف رضا گیلانی کا بیٹے سے ٹیلیفونک رابطہ، 6 سے 8 منٹ تک بات ہوئی

فہد شبیر اتوار 24 مئی 2015 13:27

ملتان(اُردو پوائنٹ اخبارتازہ ترین۔24مئی۔2015ء) سابق وزیراعظم یوسف رضا گیلانی کا اپنے مغوی بیٹے سے ٹیلیفونک رابطہ ہوا ہے، کال افغانستان کے نمبر سے آئی تھی۔ سابق وزیراعظم کے بیٹے علی حیدرگیلانی کو دوسال قبل 9 مئی 2013 کو اغوا کیا گیا تھا جب وہ 2 دن بعد ہونے والے عام انتخابات کی آخری کمپئین کے سلسلے میں حامیوں کےہمراہ ملتان کے مضافاتی علاقے میں موجود تھے۔

(جاری ہے)

سابق وزیر اعظم یوسف رضا گیلانی اس وقت پیر فتح محمد کی رسمِ قل میں شرکت کے لئے جلال پور میں موجود ہیں اور پاکستان تحریک انصاف کے نائب صدر شاہ محمود قریشی بھی ان کے ہمراہ موجود ہیں۔ علی حیدر گیلانی نے تقریباً 6 سے 8 منٹ تک اپنے والد سے گفتگو کی اور انہیں اپنی خیریت سے آگاہ کیا۔ ذرائع کا کہنا ہے کہ علی حیدر گیلانی نے شاہ محمود قریشی سے بھی گفتگو کی۔ سابق وزیر اعظم کے موبائل فون پرآنے والی یہ کال افغانستان کے نمبر سے آئی تھی۔ پنجاب کے مقتول گورنر سلمان تاثیر کےبیٹے شہباز تاثیر کو بھی اسی انداز میں اغوا کیا گیا تھا اور دونوں کے بارے میں خیال کیا جارہا تھا کہ اغوا کارانہیں افغانستان منتقل کرچکے ہیں۔

Facebook Twitter Google + Share on Whatsapp

2 سال بعد یوسف رضا گیلانی کا بیٹے سے ٹیلیفونک رابطہ، 6 سے 8 منٹ تک بات ہوئی

متعلقہ عنوان :

مزید اہم خبریں