بغل میں چھری منہ میں رام رام کرنے والے بھارت کی اصلیت بے نقاب ہو گئی ،سرتاج عزیز ،بھارت کے دہشت گردی میں ملوث ہونے کے خدشات کی تصدیق ہوگئی : پاکستان دہشت گردی سے سب سے زیادہ متاثر ہونے والا ملک ہے بھارتی وزیر کے بیان پر مشیر امور خارجہ کا شدید ردعمل

اتوار 24 مئی 2015 15:16

اسلام آباد (اُردو پوائنٹ اخبارتازہ ترین - آن لائن۔24 مئی۔2015ء) پاکستان نے بھارتی وزیر دفاع کے دہشت گردی کی حمایت میں بیان پر شدید تشویش کا اظہار کرتے ہوئے کہا ہے کہ بھارتی وزیر کے بیان سے بھارت کے متعلق خدشات کی تصدیق ہوگئی۔ دہشت گردی پاکستان اور بھارت دونوں کا مشترکہ مسئلہ ہے اور پاکستان دہشت گردی سے سب سے زیادہ متاثر ہونے والا ملک ہے بھارتی وزیر دفاع کے بیان پر شدید تشویش کا اظہار کرتے ہوئے وزیراعظم کے مشیر برائے امور خارجہ نے اپنے ایک بیان میں کہا ہے کہبغل میں چھری رکھ کر رام رام کرنے والے بھارت کی اصلیت بے نقاب ہو ہی گئی بھارت کے دہشت گردی میں ملوث ہونے کے خدشات کی تصدیق ہوگئی ہے۔

یہ پہلا موقع ہے کہ کسی ملک کے منتخب حکومت کے وزیر نے کھلے بندہوں دہشت گردی روکنے کے بہانے دہشت گردی کے استعمال کی بات کی ہو۔

(جاری ہے)

انھوں نے کہا کہ پاکستان مخلصانہ طریقے سے اپنے ہمسائے سے اچھے تعلقات قائم کرنے کی پالیسی پر کاربند ہے۔ دہشت گردی پاکستان اور بھارت دونوں کا مشترکہ مسئلہ ہے اور دونوں کو مشترکہ طور پر اس کو ختم کرنے کے لیے کام کرنا چاہیے۔

انھوں نے کہا کہ پاکستان دہشت گردی سے سب سے زیادہ متاثر ہونے والا ملک ہے۔حالیہ دنوں میں کراچی میں ہونے والی دہشت گردی کی وارداتوں میں پاکستانی حکام بھارتی خفیہ ادارے را کے ملوث ہونے کا الزام عائد کرتے رہے ہیں یاد رہے کہ بھارتی وزیر دفاع منوہر پاریکر نے بھارتی ٹی وی کو انٹرویو میں کہا تھا کہ دہشت گردوں کا مقابلہ کرنے کیلئے دہشت گرد ہی لانا ہوں گے۔ کانٹے سے ہی کانٹا نکالنا پڑتا ہے ، صرف ہمارے ہی فوجیوں کا خون کیوں بہے۔ انہوں نے کہا کہ کسی بھی مسلح درانداز کے ساتھ انسانی بنیادوں پر سلوک نہیں کیا جا سکتا۔ جو بھی دراندازی کی کوشش کرے گا ، وہ مارا جائے گا۔ ممبئی حملوں کی طرح کے کسی نئے حملے کو روکنے کیلئے پیشگی اقدامات کئے جائیں گے

Facebook Twitter Google + Share on Whatsapp

متعلقہ عنوان :

مزید اہم خبریں