معمر رانا نے فلم ڈائریکشن کا آغاز کر دیا
پیر 25 مئی 2015 12:46
لاہور(اُردو پوائنٹ اخبار تازہ ترین۔ 25 مئی۔2015ء) ماڈل واداکارہ حیا سہگل معمر رانا کی بطور ڈائریکٹر پہلی فلم کی ہیروئن سائن ہوگئی ہیں جس کی افتتاحی تقریب 31 مئی کو کراچی میں ہوگی۔ تفصیل کے مطابق معمر رانا بطور ڈائریکٹر فلم سکندر بنائیں گے جس کو پروڈیوس ان کی اہلیہ مہناز رانا کر رہی ہیں۔ ذرائع نے بتایا کہ اس فلم کا اسکرپٹ بابر کشمیری نے لکھا ہے جب کہ اس کی شوٹنگ کراچی اور لاہور میں کی جائے گی جس کے لیے انتظامات کو حتمی شکل دیتے ہوئے اداکارہ حیا سہگل کا پوسٹر کے لیے پچھلے دنوں ساتھ فوٹو شوٹ کروایا گیا۔
حیا سہگل نے فلمی کیرئیر کا آغاز معمر رانا کے ساتھ فلم سیچر ڈے نائٹ سے کیا تھا، بعدازاں دانے پہ دانہ سمیت چند ایک فلموں میں بھی کام کر چکی ہیں۔ اداکارہ حیا سہگل فلم سکندر میں ہیروئن بننے پر بے حد خوش دکھائی دے رہی ہیں۔(جاری ہے)
دوسری طرف معمر رانا اور ان کی اہلیہ مہناز رانا نے 31 مئی کو کراچی میں ہونے والی لانچنگ تقریب میں ٹی وی اور فلم کے معروف اسٹارز کو شرکت کی دعوت دی ہے۔
اس کے لیے لاہور سے بھی چند ایک سینئر فنکاروں کو بھی آنے کی دعوت دی گئی ہے۔ ذرائع نے مزید بتایا کہ معمر رانا اس فلم کی زیادہ تر عکسبندی لاہور میں کریں گے کیونکہ وہ اپنے فلمی تکنیکاروں اور ایکسٹرا فنکاروں کو نہیں بھولے ہیں۔ یہ بھی معلوم ہوا ہے کہ اس فلم کے کچھ گانے پاکستان سے باہر بھی کیے جائیں گے۔ لانچنگ تقریب میں فلم کے پوسٹر کے ساتھ ساتھ پوری کاسٹ کے اعلان سمیت دیگر تفصیلات کے بارے میں میڈیا کو بریفنگ دی جائے گی۔ اس حوالے سے حیا سہگل سے بات کی گئی تو ان کا کہنا تھا کہ معمر رانا کا ڈائریکشن کی طرف آنے کا فیصلہ انتہائی خوش آئند ہے۔ بطور اداکار انھوں نے بہت سی یادگار فلمیں دی ہیں۔ مجھ سمیت ان کے پرستار امید رکھتے ہیں کہ وہ بطور ہدایتکار بھی ایک سپرہٹ فلم دینے میں کامیاب رہیں گے۔متعلقہ عنوان :
مزید فن و فنکار کی خبریں
-
ہمایوں سعید نے اداکارہ صبور علی کو گلے لگالیا ،تمام حدیں پار
-
خواتین کی طرح مرد اداکاروں پر بھی اچھا نظر آنے کا دبائو ہوتا ہے، راجکمار رائو
-
نوازالدین صدیقی بیٹی کو اداکار بنانے کے خواہشمند
-
نامور صداکار، اداکار اور شاعر طارق عزیز کا یوم پیدائش 28 اپریل کو منایا جائیگا
-
معروف اداکارہ مدیحہ رضوی نے دوسری شادی کرلی،تصاویروائرل
-
اداکارہ ایمن خان کو یو اے ای کا گولڈن ویزہ مل گیا
-
نازش جہانگیر نے بابراعظم کو ’’سب کا بھائی‘‘ کہہ دیا
-
’’مودی کو ووٹ نہ دو‘‘ عامر خان اور رنویر سنگھ بھی ڈیپ فیک ویڈیو کا نشانہ بن گئے
-
آرنلڈ اور سلویسٹر اسٹالون ایک دوسرے کو خطرہ سمجھتے تھے
-
ایمن خان کی ہمشکل لڑکی کی ڈانس ویڈیو وائرل
-
زوہاب خان نے داڑھی بڑھانے کیلئے ٹرانسپلانٹ کروانے کی وجہ بتا دی
-
جس کومیری بات بری لگی وہ بابراعظم کواپنی بہن کا رشتہ دے دیں، نازش جہانگیر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.