کراچی: اورنگی ٹائون آپریشن میں اب تک 7 دہشتگرد مارے گئے ہیں، رینجرز ترجمان

منگل 26 مئی 2015 11:15

کراچی(اُردو پوائنٹ اخبار تازہ ترین۔26مئی2015ء) اورنگی ٹائون آپریشن میں اب تک 7 دہشت گرد مارے گئے، پریشان چوک میں رینجرز کی کارروائی کے دوران خودکش دھماکے میں تین دہشت گرد ہلاک ہوگئے، مومن آباد میں مقابلے میں دو دہشت گرد جبکہ الصدف کالونی میں ایک دہشت گرد نے خود کو دھماکے سے اڑایا جبکہ دوسرا مقابلے میں مارا گیا۔ رینجرز ترجمان کے مطابق اورنگی ٹائون آپریشن میں اب تک 7 دہشت گرد مارے گئے ہیں ۔

اورنگی ٹاون پریشان چوک پر رینجرز نے مکان پر چھاپہ مارا۔ اہلکاروں کے خوف سے مکان میں موجود تین دہشتگردوں نے خود کو دھماکے سے اڑا لیا جس کے نتیجے میں تینوں دہشتگرد موقع پر ہلاک اور مکان منہدم ہوگیا۔ بم ڈسپوزل سکواڈ کے انسپکٹر محمد عابد کے مطابق دھماکے میں چار سے پانچ کلو بارودی مواد استعمال کیا گیا تھا۔

(جاری ہے)

ملزمان نے آئی ای ڈی ڈیواز کا استعمال کیا۔

منہدم مکان سے ایک ملزم زخمی حالت میں گرفتار کر لیا گیا جبکہ دو دستی بم ، چار آوان بم اور رائفلیں بھی ملی ہیں۔ تاہم رینجرز کی جانب سے منہدم مکان کا ملبہ ہٹانے کیلئے کارروائیاں جاری ہیں۔ جبکہ صبح سویرے رینجرز نے اورنگی ٹاون مومن آباد میں چھاپہ مارا ، ذرائع کے مطابق چھاپے کے دوران دو دہشتگرد مقابلے میں مارے گئے ۔ الصدف کالونی میں ایک دہشت گرد نے خود کو دھماکے سے اڑایا جبکہ دوسرا مقابلے میں مارا گیا۔

Facebook Twitter Google + Share on Whatsapp

کراچی: اورنگی ٹائون آپریشن میں اب تک 7 دہشتگرد مارے گئے ہیں، رینجرز ترجمان

متعلقہ عنوان :

مزید اہم خبریں