چوتھی سوزوکی پنجاب آرم ریسلنگ چیمپئن شپ 7 جون سے راولپنڈی میں شروع ہوگی

بدھ 27 مئی 2015 12:12

چوتھی سوزوکی پنجاب آرم ریسلنگ چیمپئن شپ 7 جون سے راولپنڈی میں شروع ہوگی

راولپنڈی (اُردو پوائنٹ اخبار تازہ ترین۔ 27 مئی۔2015ء) پنجاب آرم ریسلنگ ایسوسی ایشن کے زیراہتمام چوتھی سوزوکی پنجاب آرم ریسلنگ چیمپئن شپ 7 جون سے شہباز شریف سپورٹس مپلیکس، راولپنڈی میں شروع ہوگی۔

(جاری ہے)

راولپنڈی ڈویژنل آرم ریسلنگ ایسوسی ایشن کے سیکرٹری انور سجاد نے بتایا کہ چیمپئن شپ میں پنجاب کے 9 ڈویژن کے مرد اور خواتین شرکت کریں گے، جن میں راولپنڈی، لاہور، گجرنوالہ، سرگودھا، فیصل آباد، ساہیوال، ملتان، ڈیرہ غازی خان اور بہاولپور شامل ہیں میزبانی کے فرائض راولپنڈی کو دیئے گئے ہیں اور یہ چیمپئن شپ دو روز تک جاری رہے گی۔

انور سجاد نے بتایا کہ تیاری کے سلسلہ میں آرگنائزنگ کمیٹی کا اجلاس چیئرمین سید طاہر عباس کاظمی کی صدارت ہوچکا ہے جس میں چیمپئن شپ کے انتظامات کا جائزہ لیا گیا۔ انہوں نے کہا کہ چیمپئن شپ میں شرکت کے سلسلہ راولپنڈی ٹیم کے چناؤ کے سلسلہ میں ٹرائلز 6 جون کو شہباز شریف سپورٹس، راولپنڈی میں ہونگے، ٹرائلز میں چکوال، اٹک، میانوالی، راولپنڈی اور جہلم کے مرد اور خواتین کھلاڑی حصہ لے سکتے ہیں اور ٹیم کا چناؤ میرٹ کی بنیاد پر کیا جائے گا۔

متعلقہ عنوان :