نوجوان فلم میکر سینئر فنکاروں کے تجربے سے فائدہ نہ اٹھا کر غلطی کررہے ہیں‘ فلمساز سہیل خان

ہفتہ 30 مئی 2015 12:51

نوجوان فلم میکر سینئر فنکاروں کے تجربے سے فائدہ نہ اٹھا کر غلطی کررہے ..

لاہور (اُردو پوائنٹ اخبار تازہ ترین۔ 30 مئی۔2015ء) لالی ووڈ کے فلمسازسہیل خان نے کہا ہے کہ فلمسازی کے شعبے میں نوجوان فلم میکرز سینئر فنکاروں کونظرانداز کر کے غلط کام کررہے ہیں ‘ سینئرفنکاروں کی صلاحیتوں سے استفادہ کیا جائے تو بہتر نتائج سامنے آئینگے۔ گزشتہ روز میڈیا سے بات کرتے ہوئے انہوں نے کہا کہ ان کی فلم ” شورشرابا “ میں نئے چہروں کے ساتھ سینئر فنکاروں کو بھی شامل کیا جا رہا ہے۔

(جاری ہے)

موجودہ دور میں بننے والی فلموں میں سینئرفنکاروں کے نہ ہونے کی وجہ سے زیادہ تر فلمیں ٹیلی فلم لگتی ہیں۔ انھوں نے کہا کہ پڑوسی ملک میں جہاں نئے فنکاروں کو متعارف کروایا جاتا ہے وہیں سینئرفنکاروں کو اہم کرداروں میں کاسٹ کیا جاتا ہے جس سے نوجوان فنکاروں کواپنے سینئرز سے سیکھنے کا بھی موقع ملتا ہے۔ انھوں نے کہا کہ ہمارے نوجوان فلم میکرز کوبھی اس فارمولے پرعمل کرنا چاہیے اور ایسے باصلاحیت سینئرز فنکاروں کو اپنی فلموں کا حصہ بنانا چاہیے جن کولوگ دیکھناچاہتے ہیں۔

متعلقہ عنوان :