کشمیربرصغیرکی تقسیم کا نامکمل ایجنڈا ہے ‘ پاکستان اور کشمیر کو ایک دوسرے سے الگ نہیں کیا جاسکتا‘ آرمی چیف
بدھ 3 جون 2015 12:26
راولپنڈی (اُردو پوائنٹ اخبار تازہ ترین۔ 03 جون۔2015ء) چیف آف آرمی سٹاف جنرل راحیل شریف نے کشمیر کو تقسیم ہند کا نامکمل ایجنڈا قرار دیتے ہوئے کہا ہے کہ پاکستان اور کشمیر کو ایک دوسرے سے الگ نہیں کیا جاسکتا‘ مسئلے کا اقوا م متحدہ کی قراردادوں کی روشنی میں اور کشمیری عوام کی امنگوں کے مطابق منصفانہ حل چاہتے ہیں تاکہ خطے میں پائیدار امن قائم ہو سکے‘پاک فوج ملک کے دفاع کیلئے پوری طرح تیار ہے اور کسی بھی قسم کے مذموم عزائم ناکام بنانے کی صلاحیت رکھتی ہے- آئی ایس پی آر کے مطابق بدھ کو نیشنل ڈیفنس یونیورسٹی میں خطاب کرتے ہوئے چیف آف آرمی سٹاف جنرل راحیل شریف نے کہا کہ آپریشن ضرب عضب کے دوران ہماری قابل ذکر کامیابیوں میں شہری علاقوں میں دہشت گردوں کے خلاف فیصلہ کن کارروائی کی گنجائش پیدا کر دی ہے-انہوں نے کہا کہ اس مقصد کیلئے ایک کامیاب نتیجہ حاصل کرنے کی غرض سے سول ملٹری تعاون ناگزیر ہو چکا ہے-
جنرل راحیل شریف نے کہا کہ مستقبل کی جنگوں کی شکل تیزی سے تبدیل ہو رہی ہے جبکہ ہمارے دشمن تنازعات پیدا کر کے اور دہشت گردی کی مدد کر کے ہمارے ملک کو غیر مستحکم کرنے کی کوششوں میں مصروف ہیں-انہوں نے کہا کہ پاک فوج ملک کے دفاع کیلئے پوری طرح تیار ہے اور کسی بھی قسم کے مذموم عزائم ناکام بنانے کی صلاحیت رکھتی ہے-آرمی چیف نے کہا کہ پاکستان نے دوسرے ممالک کے خلاف پراکسی لڑائیوں کی مخالفت کی ہے اور وہ کسی بھی ملک کو اس کی اجازت نہیں دے گا کہ وہ پاکستان کے خلاف پراکسی وار استعمال کرے-آرمی چیف نے کہا کہ کشمیر تقسیم برصغیر کا نامکمل ایجنڈا ہے پاکستان اور کشمیر کو ایک دوسرے سے الگ نہیں کیا جاسکتا-انہوں نے کہا کہ پاکستان خطے میں امن اور استحکام کا خواہاں ہے اور کشمیر کے مسئلے کا اقوا م متحدہ کی قراردادوں کی روشنی میں اور کشمیری عوام کی امنگوں کے مطابق منصفانہ حل چاہتا ہے تاکہ خطے میں پائیدار امن قائم ہو سکے-
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.