کنگنا رناوٹ ایک بہترین اداکارہ ہیں‘ودیا بالن

بدھ 3 جون 2015 12:38

کنگنا رناوٹ ایک بہترین اداکارہ ہیں‘ودیا بالن

ممبئی (اُردو پوائنٹ اخبار تازہ ترین۔ 03 جون۔2015ء)بالی ووڈ کی اداکارہ ودیا بالن کا کہنا ہے کہ کنگنا رناوٹ ایک بہترین اداکارہ ہیں اور وہ ان کی فلم ”تنو ویڈز منو ریٹرنز“ میں بہترین طریقے سے ڈبل کردار کرنے پر کافی حیرت انگیز ہیں۔

(جاری ہے)

اداکارہ ودیا بالن کا ایک انٹوریو میں کہنا تھا کہ ان کی پسندیدہ فلموں میں حال ہی کی کچھ فلمیں شامل ہیں جن میں انشکا شرما کی 'این ایچ 10'، دیپیکا پڈوکون کی 'پیکو' اور کنگنا رناوٹ کی 'تنو ویڈ منو ریٹرنز' ہیں۔

اداکارہ کا مزید کہنا تھا کہ کنگنا ایک بہترین اداکارہ ہیں اور انہوں نے فلم میں شاندار اداکاری کی ہے۔بولی وڈ کی بہت کم اداکارائیں ایک دوسرے کی تعریف کرتی نظر آتی ہیں البتہ ودیا ان میں سے ایک نہیں ہیں۔ودیا بالن اس وقت اپنی فلم ”ہماری ادھوری کہانی“ کی ریلیز کا انتظار کر رہی ہیں، اس فلم میں ان کے ساتھ اداکار عمران ہاشمی بھی اہم کردار کرتے نظر آئیں گے۔