چینی سرمایہ کاروں کی پنجاب میں مختلف شعبوں میں سرمایہ کاری کا خیر مقدم کریں گے ،شہبازشریف
وزیراعلیٰ سے چین کے سرمایہ کاروں کے وفدکی ملاقات ،آئی ٹی پارک ، انفراسٹرکچر اور لاجسٹک کے شعبوں میں سرمایہ کار ی میں اظہار دلچسپی چینی سرمایہ کاروں ،صوبائی وزراء اور پنجاب کے حکام پر مشتمل مشترکہ کمیٹی مجوزہ منصوبوں کے بارے میں حتمی سفارشات پیش کرے گی، ا کنامک کوریڈور کے منصوبے پاکستان کی معیشت کو مضبوط اور خطے کی معیشت پر مثبت اثرات مرتب کریں گے ، چینی سرمایہ کاروں کے وفد سے گفتگو
جمعرات 11 جون 2015 22:41
لاہور (اُردو پوائنٹ اخبار تازہ ترین۔ 11 جون۔2015ء) وزیراعلیٰ پنجاب محمد شہبازشریف سے جمعرات کے روز یہاں چین کے سرمایہ کاروں کے 7رکنی وفدنے ملاقات کی -ملاقات میں پنجاب میں انفارمیشن ٹیکنالوجی ، انفراسٹرکچر ، لاجسٹک او ردیگر شعبوں میں سرمایہ کاری کے امکانات پر بات چیت ہوئی - چینی سرمایہ کاروں نے پنجاب میں انفارمیشن ٹیکنالوجی پارک ، انفراسٹرکچر اور لاجسٹک کے شعبوں میں سرمایہ کاری میں گہری دلچسپی کا اظہار کیا- وزیراعلیٰ محمد شہبازشریف نے چینی سرمایہ کاروں کے وفد سے گفتگو کرتے ہوئے کہاکہ پنجاب میں سرمایہ کاری کے لئے انتہائی ساز گار ماحول پیدا کیاگیاہے - سرمایہ کارو ں کو ایک ہی چھت تلے تمام سہولتیں دی جا رہی ہیں-سرمایہ کاروں کے مسائل کے حل اورانہیں سہولتوں کی فراہمی کیلئے پنجاب سرمایہ کاری بورڈ فعال کردار ادا کررہاہے-چینی سرمایہ کاروں کی پنجاب میں مختلف شعبوں میں سرمایہ کاری کا خیر مقدم کریں گے - چینی سرمایہ کاروں کو پنجاب میں مختلف شعبوں میں سرمایہ کاری کے حوالے سے ہر ممکن تعاون فراہم کریں گے - وزیراعلیٰ نے چینی سرمایہ کاروں اور پنجاب حکومت کے وزراء اور حکام پر مشتمل مشترکہ کمیٹی تشکیل دینے کی ہدایت کرتے ہوئے کہا کہ کمیٹی پنجاب میں چینی سرمایہ کاروں کے مجوزہ منصوبوں کے حوالے سے حتمی سفارشات پیش کرے گی-انہوں نے کہاکہ پاکستان او رچین دوستی کے لازوال رشتے میں بندھے ہیں- چین کے صدر کے دورہ پاکستان کے دوران پاکستان کیلئے 46ارب ڈالر کے تاریخ ساز اقتصادی پیکیج کا اعلان کیا گیا-چائنہ پاکستان اکنامک کوریڈور کے منصوبے پاکستان کی معیشت کو استحکام دیں گے-سی پیک میں پورے پاکستان کیلئے منصوبے شامل ہیں -ان منصوبوں کا فائدہ پاکستان کے 18کروڑ عوام کو ہوگا اور خطے کی معیشت پر بھی مثبت اثرات مرتب ہوں گے- پاکستان کی حکومت سی پیک کے منصوبوں پر تیز رفتاری سے عملدرآمد کے لئے اقدامات کر رہی ہے -وزیراعظم محمد نوازشریف کی قیادت پر چین کی لیڈر شپ نے جس اعتماد کا اظہار کیاہے اس کی مثال نہیں ملتی-چینی سرمایہ کار وں نے اس موقع پر گفتگو کرتے ہوئے کہاکہ پنجاب میں انفارمیشن ٹیکنالوجی پارک،انفراسٹرکچر اورلاجسٹک کے شعبوں میں سرمایہ کاری کے خواہاں ہیں- صوبائی وزراء رانا مشہود احمد خان، محمد شفیق ، تنویر اسلم ملک، چیئرمین لاہور ٹرانسپورٹ کمپنی خواجہ احمد حسان ، ایڈیشنل چیف سیکرٹری توانائی ، چیئرمین پنجاب انفارمیشن ٹیکنالوجی بورڈ ، چیئرمین پنجاب سرمایہ کاری بورڈ ، متعلقہ سیکرٹریز ، ڈی جی ایل ڈی اے اور متعلقہ حکام بھی ملاقات میں موجود تھے
مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.