بھارت سمیت کسی بھی ملک کو پاکستان چین اقتصادی راہداری منصوبے پر اعتراض نہیں کرنا چاہیے، پاکستان چین اقتصادی راہداری سے پاکستان کے 18کروڑ عوام کے ساتھ پورے خطے کو بے پناہ فائدہ ہوگا،پاکستان اورچین سی پیک منصوبوں پر مل کر کام کر کے دنیا میں تعاون اوردوستی کی نئی مثال قائم کریں گے
وزیر اعلیٰ پنجاب شہبازشریف کی چین کے مڈ کیرئیر سفارتکاروں کے وفد سے بات چیت
اتوار 14 جون 2015 17:21
لاہور ۔ (اُردو پوائنٹ اخبار تازہ ترین۔ 14 جون۔2015ء) وزیراعلیٰ پنجاب محمد شہبازشریف نے کہا ہے کہ پاکستان اور چین کے درمیان دوستی کا بندھن مضبوط معاشی تعلقات میں بدل چکا ہے۔ چین کے صدر کے دورہ پاکستان کے دوران 46ارب ڈالر کے تاریخ ساز اقتصادی پیکیج کا اعلان کیا گیا ہے اورچین کے اس غیر معمولی اقتصادی پیکیج کی کوئی مثال نہیں ملتی۔پاکستان اور چین سی پیک منصوبوں پر مل کر کام کرکے دنیامیں تعاون اوردوستی کی نئی مثال قائم کریں گے۔
اقتصادی پیکیج ناصرف ترقی اورخوشحالی لائے گا بلکہ ملک معاشی طورپر مضبوط ہوگا۔وزیراعلیٰ محمد شہبازشریف نے ان خیالات کا اظہار اتوار کو یہاں چین کی وزرات خارجہ کے مڈکیرےئر سفارتکاروں کے وفد سے ملاقات کے دوران گفتگو کرتے ہوئے کیا۔(جاری ہے)
انہوں نے کہا کہ سی پیک سے خطہ ترقی کرے گا،روزگار کے نئے مواقع پیدا ہوں گے،بھوک اورغربت ختم ہوگی، خطے میں ترقی اورخوشحالی آئے گی۔
بھارت سمیت کسی بھی ملک کو چائنہ پاکستان اقتصادی راہداری منصوبے پر اعتراض نہیں کرنا چاہیے۔سی پیک دہشت گردی کو شکست دینے کا ایک مضبوط میکانزم ہے ۔سی پیک کے منصوبے دہشت گردی و انتہاء پسندی کے خاتمے میں معاون ثابت ہوں گے۔چین کے اقتصادی پیکیج کا الفاظ میں شکریہ ادا نہیں کیا جاسکتا ۔پاکستان کی حکومت اور18کروڑ عوام عظیم اقتصادی پیکیج ملنے پر چین کی قیادت اور عوام کے شکرگزار ہیں ۔وزیراعلیٰ نے کہا کہ پاکستان اور چین دوستی کے لازوال رشتے میں بندھے ہوئے ہیں ۔دونوں ملکوں کے عوام پیاراوربھائی چارے کے بندھن میں پروئے ہوئے ہیں ۔ہمارے دوست بھی مشترکہ ہیں اورہمارے دشمن بھی۔انہوں نے کہا کہ چین کے صدر کے دورہ پاکستان سے دونوں ملکوں کے درمیان تعلقات کو نئی جہت ملی ہے ۔چین پاکستان کے مسائل سمجھتا ہے اورپاکستان کی تاریخ میں چین کی جانب سے اقتصادی پیکیج کا اعلان ایک غیر معمولی موقع ہے ۔انہوں نے کہا کہ چائنہ پاکستان اقتصادی راہداری کے منصوبے سے پاکستان کے 18کروڑ عوام کے ساتھ پورے خطے کو بے پناہ فائدہ پہنچے گا۔پاکستان کو ایشین ٹائیگر بنانے کیلئے سی پیک اہم کردارادا کرے گا۔معاشی آزادی کے بغیر حقیقی آزادی کا تصور مکمل نہیں ہوسکتا ۔ انہوں نے کہا کہ سی پیک منصوبے معاشی خود مختاری اورآزادی کے حوالے سے انتہائی اہمیت رکھتے ہیں ۔چائنہ پاکستان اکنامک کوریڈور کے منصوبوں پر تیزرفتاری اورانتھک محنت سے عملدرآمد کریں گے۔سی پیک کے منصوبے عام آدمی کو فائدہ پہنچانے کی سوچ کے تحت تشکیل دےئے گئے ہیں ۔سی پیک منصوبوں پر عملدر آمدکیلئے کوئی کسر اٹھا نہ رکھیں گے۔انہوں نے کہا کہ 46ارب ڈالرکی سرمایہ کاری کے پیکیج میں سے 33ارب ڈالر صرف توانائی کے منصوبوں پر صرف ہوں گے۔پاکستان چین کے ترقی کے ماڈل سے فائدہ اٹھا کرترقی اورخوشحالی کا ادھورہ خواب مکمل کرے گا۔انہوں نے کہا کہ پاکستان میں کام کرنے والے چینی باشندوں کو مکمل سکیورٹی دیں گے ،حکومت پاکستان نے چین کے شہریوں کی سکیورٹی یقینی بنانے کیلئے جامع انتظامات کیے ہیں ۔انہوں نے کہا کہ پنجاب میں وسائل کو عام آدمی کی فلاح و بہبود پر خرچ کیا جارہا ہے ۔عام آدمی کو بنیادی سہولتوں کی فراہمی پر اربوں روپے صرف کیے جارہے ہیں۔ انہوں نے کہا کہ میٹروبس منصوبے وسا ئل عام آدمی پرنچھاور کرنے کی شاندار اور بہترین مثال ہیں۔چینی وفد کے اراکین نے اس موقع پر اظہار خیال کرتے ہوئے کہا کہ وزیراعلیٰ شہبازشریف نے پاک چین تعلقات کو مضبوط بنانے میں اہم کردارادا کیا ہے۔پنجاب میں عام آدمی کی فلاح کیلئے وزیراعلیٰ شہبازشریف کے اقدامات لائق تحسین ہیں ۔وفاقی اورپنجاب حکومت معیشت کی بہتری کیلئے شاندار اقدامات کررہی ہیں۔چینی وفد نے پاکستان میٹروبس منصوبے کی ریکارڈ مدت میں تکمیل اور آغاز پر وزیراعلیٰ شہبازشریف کو مبارکباددی۔ صوبائی وزراء کرنل (ر) شجاع خانزادہ ،بیگم ذکیہ شاہنواز،چےئرمین لاہور ٹرانسپورٹ کمپنی خواجہ احمد حسان،ایڈیشنل چیف سیکرٹری توانائی اورمتعلقہ حکام کے علاوہ چین کی وزرات امور خارجہ کی ڈپٹی ڈائریکٹر جنرل لو شو،لاہورمیں چین کے قونصل جنرل یوبورن اورمڈ کیرےئر سفارتکار اس موقع پر موجود تھے۔مزید قومی خبریں
-
نومئی کے حملہ آور آج ملکی مفاد پر حملہ آور ہیں، عطااللہ تارڑ
-
وفاقی وزیر برائے وفاقی تعلیم اور پیشہ ورانہ تربیت سے برطانوی ہائی کمشنر کی ملاقات، تعلیمی شعبہ کی صوبوں کو منتقلی سے درپیش چیلنجز اور مواقع پر بھی تبادلہ خیال
-
چیچہ وطنی بوریوالہ روڈ پر منی ٹرک کی ٹکر سے موٹر سائیکل پر سوار دو افراد جاں بحق
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پیٹرول ڈلوا کرفرارہونے والی گاڑی پرگارڈ کی فائرنگ سے دوراہگیرخواتین زخمی
-
الیکشن کمیشن نے ضابطہ اخلاق کی خلاف ورزی پر محکمہ زراعت کے ملازم کو نوٹس جاری کر دیا
-
پتوکی، تین کس ملزمان 16سالہ لڑکی اغوا کرکے فرارپولیس نے مقدمہ درج کرلیا
-
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
دریائوں اور آبی ذخیروں میں پانی کی صورتحال
-
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ رانا ثنا اللہ
-
فیصل آباد، تا جر کو اغوا کے بعد تشدد کر کے قتل کر د یا گیا، پولیس نے نعش قبضے میں لے کر ملزما ن کی تلا ش شروع کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.