جے ایف 17 تھنڈر پیرس ایئر شو میں مرکز نگاہ ، طیارے کی برآمد کا پہلا آرڈر بھی مل گیا

پیر 15 جون 2015 11:18

پیرس (اُردو پوائنٹ اخبار تازہ ترین۔15جون2015ء)پاک فضائیہ کا جے ایف 17 تھنڈر پیرس ایئر شو میں مرکز نگاہ بن گیا، پاکستان کو طیاروں کا پہلا برآمدی آرڈر بھی مل گیا۔ پاک فضائیہ کے جے ایف17 تھنڈر نے پیرس ائیرشو کے دوران کمال کرتب دکھائے ۔ جے ایف تھنڈر اس سے پہلے متحدہ عرب امارات ، چین اور ترکی میں بھی اپنی صلاحیت دکھا چکا ہے ادھر برطانوی میگزین فلائٹ گلوبل کے مطابق چینگدو/ پاکستان ایروناٹیکل کمپلیکس کے مشترکہ تیار کردہ جے ایف 17 تھنڈر لڑاکا طیارے کے پہلے برآمدی سودے طے پا گیا ہے ۔

(جاری ہے)

جے ایف تھنڈر کے سیلز اور مارکیٹنگ کے سربراہ پاکستان ایئر فورس کے ایئر کموڈور خالد محمود نے تصدیق کی کہ ایک ایشیائی ملک کے ساتھ معاہدے پر دستخط کیے گئے ہیں ۔ انہوں نے خریدار ملک اور طیاروں کی فراہمی کی تعداد چھپاتے ہوئے کہا طیاروں کی ترسیل دو ہزار سترہ میں شروع ہو جائے گی۔ پیرس میں اس سال جے ایف17 کے دستے کو اہم مارکیٹنگ پیش رفت حاصل ہو سکتی ہے ۔ ایئر کموڈور خالد محمود کا کہنا ہے کہ پیرس شو بہترین پلیٹ فارم ہے، جہاں سے فرانسیسی بولنے والے ممالک سے ممکنہ گاہک مل سکتے ہیں ، انہوں نے کہا کہ11 ممالک اس طیارے کو لینے میں دلچسپی ظاہر کر رہے ہیں۔

Facebook Twitter Google + Share on Whatsapp

جے ایف 17 تھنڈر پیرس ایئر شو میں مرکز نگاہ ، طیارے کی برآمد کا پہلا آرڈر بھی مل گیا

مزید اہم خبریں