آپریشن ضرب عضب سے ملک کو فائدہ ہوا، آپریشن میں حصہ لینے والے جوانوں کو سلام پیش کرتے ہیں، آصف علی زرداری
پیر 15 جون 2015 15:39
کراچی(اُردو پوائنٹ اخبار تازہ ترین۔ 15 جون۔2015ء) پاکستان پیپلزپارٹی کے شریک چیئرمین اورسابق صدر آصف علی زرداری نے کہاہے کہ آپریشن ضرب عضب سے ملک کو بہت فائدہ ہوا، آپریشن میں حصہ لینے والے جوانوں کو سلام پیش کرتے ہیں۔ پولیس کے جوان دہشت گردی کے خلاف لڑرہے ہیں پولیس کے شہیدوں کے لواحقین کو تاحیات تنخواہ اور گھر کے ایک فرد کو نوکری دی جائے۔
امن و امان کی بحالی میں پولیس نے اہم کردار ادا کیا ہے، 18 ویں ترمیم کے بعد اسی طرح کی ترقی چاہتے ہیں جیسے دوسرے صوبوں میں ہوئی ہے۔وہ پیرکو شہید بینظیر بھٹو ٹریننگ سینٹر رزاق آباد میں تربیت مکمل کرنے والے کمانڈوز کی25 ویں ایگلیٹ فورس پاسنگ آؤٹ پریڈ کی تقریب سے بطور مہمان خصوصی خطاب کررہے تھے ۔اس موقع پروزیراعلیٰ سندھ سید قائم علی شاہ،سندھ کے وزیر داخلہ انورسہیل سیال اور پیپلزپارٹی کی نائب صدر سنیٹرشیری رحمن سمیت پولیس کے اعلیٰ حکام بھی موجود تھے۔(جاری ہے)
۔سابق صدر نے کہاکہ سندھ میں جرائم کی شرح کم ہوئی ہے جس کا سہراوزیراعلیٰ سندھ ، آئی جی اور سندھ پولیس کو جاتا ہے ۔
اس موقع پر سابق صدر نے کورس میں نمایاں کارکردگی دیکھانے والے اہلکاروں میں اسناد بھی تقسیم کیں۔ وزیر اعلی سندھ سیدقائم علی شاہ نے تقریب سے خطاب کرتے ہوئے ضرب عضب کاایک سال مکمل ہونے پرآرمی چیف جنرل راحیل شریف کو مبارک باد پیش کی۔انہوں نے کہاکہ ایلیٹ فورس کیلئے جدید اسلحہ درکار ہے جس کیلئے وفاقی حکومت سے کہا تھا ۔ ایلیٹ فورس کو جدید خطوط پر تربیت دی گئی ہے ۔ سندھ پولیس کو جدید تربیت اور ہتھیاروں سے لیس کر کے ناقابل شکست فورس بنا رہے ہیں ۔ بہت تیزی سے جرائم کی تفتیش اور مجرموں کا پکڑا جانا بڑی کامیابی ہے ۔ انہوں نے کہا کہ سندھ پولیس نے سانحہ صفورا کے ملزمان کو4 دن میں گرفتار کیا ۔وزیراعلیٰ نے کہاکہ کراچی میں بھتہ خوری، اغوا برائے تاوان اورٹارگٹ کلنگ میں کافی کمی آئی ہے،امید ہے کہ جنرل راحیل شریف سندھ کے عوام کی خدمت کرتے رہیں گے۔آئی جی سندھ غلام حیدر جمالی نے کہاکہ امن وامان کے قیام کیلئے پولیس نے بے پناہ قربانیاں دی ہیں۔انہوں نے کہاکہ 40 خواتین سمیت 2000سے زائد اہلکاروں نے پولیس فورس میں شمولیت اختیارکرلی ہے۔700 افسران اور380جوان پاس آوٹ ہوئے ہیں۔پاس آوٹ ہونیوالے اہلکاروں نے پریڈ کی اور مشقوں کا عملی مظاہرہ بھی کیا۔ تقریب کے مہمان خصوصی سابق صدر آصف زرداری اور وزیراعلی سندھ سید قائم علی شاہ نے اہلکاروں کی تربیت کو سراہا اور انہیں مبارکباد پیش کی۔ پاسنگ آؤٹ پریڈ کی تقریب میں2080اہلکار شریک ہوئے جن میں 40خواتین اہلکار بھی شامل تھیں ۔ تربیت کے دوران اعلی کارکردگی دکھانے والے اہل کاروں کو انعامات بھی دیئے گئے۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.