کراچی : شہر قائد میں گرمی عروج پر، ہلاکتوں کی تعداد 121 تک جا پہنچی، اسپتالوں میں جگہ کم پڑ گئی۔ محکمہ موسمیات نے بھی پیشن گوئی کر دی۔
سمیرا فقیرحسین پیر 22 جون 2015 10:49
کراچی (اردو پوائنٹ تازہ ترین اخبار . 22 جون 2015 ء) : شہر قائد کو شدید گرمی اور غیراعلانیہ لوڈشیڈنگ نے ایسا لپیٹ میں لیا کہ شہریوں کی جان ہی لے لی۔ کراچی میں قیامت خیز گرمی اور بدترین لوڈشیڈنگ سے ہلاکتوں کی تعداد 121 تک جا پہنچی۔ایدھی انتظامیہ کی جانب سے اب تک ساٹھ لاوارث لاشوں کی تدفین کی گئی، ایڈمنسٹریٹر کراچی نے شہر کے اسپتالوں میں ایمر جنسی نافذ کرتے ہوئے سٹاف کی چھٹیاں منسوخ کر دی ہیں۔
بڑے پیمانے پر ہلاکتوں کے بعد شہر کے مختلف سردخانوں میں میتوں کیلئے جگہ کم پڑگئی۔ کراچی میں درجہ حرارت مسلسل چالیس ڈگری کو عبور کر رہا ہے جبکہ گرمی کی شدت میں کمی نہیں آ رہی۔ جناح اسپتال میں 85،عباسی شہید اسپتال میں 26، جنرل اسپتال میں 9، سول اسپتال میں چھ افراد دم توڑ گئے۔(جاری ہے)
ان میں سے زیادہ تر کی موت حبس، لو لگنے اور ہیٹ سٹروک کے باعث ہوئی۔
اسپتالوں کی انتظامیہ کا کہنا ہے گرمی کی وجہ سے جاں بحق ہونے والے درجنوں افراد روزے سے تھے جبکہ ضعیف العمر افراد بھی شدید گرمی کی وجہ سے دم توڑ گئے۔ جناح اسپتال کے شعبہ حادثات کی سربراہ ڈاکٹر سیمی جمال کا کہنا تھا بیشتر افراد مردہ حالت میں اسپتال لائے گئے جنہیں نمکیات اور پانی کی شدید کمی تھی۔ ایڈمنسٹریٹر کراچی ثاقب احمد صدیقی نے موجودہ صورتحال کے پیش نظر شہر بھر کے اسپتالوں میں ایمرجنسی نافذ کرتے ہوئے تمام عملے کو چوبیس گھنٹے الرٹ رہنے کی ہدایت جاری کر دی ہے۔ جبکہ دوسری جانب محکمہ موسمیات کا کہنا ہے کہ کراچی کا درجہ حرارت آج بھی 42 تک جانے کا امکان ہے، محکمہ موسمیات نے بتایا کہ کراچی میں آئندہ کل بارش متوقع ہے جس سے اہل کراچی کو گرمی سے تھوڑا ریلیف ملے گا، اور گرمی کی شدت میں کمی بھی آئے گی.مزید اہم خبریں
-
مختلف علاقوں میں زلزلے کے شدید جھٹکے
-
صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان دوطرفہ تعلقات مزید بہتر بنانے کیلئے مل کر کام ..
-
وزیراعلیٰ سندھ نے وزیراعظم کو وفاق کی جانب سے سندھ کو نظرانداز کرنے کا شکوہ کر دیا
-
عمران خان اور پی ٹی آئی ایک حقیقت ہے ان کو مان لیں اور بات چیت کریں
-
کسان بورڈ پاکستان کا احتجاجی دھرنوں کا اعلان
-
آسٹریلوی کمپنیاں پاکستانی معیشت کے مختلف شعبوں میں سرمایہ کاری کریں،صدر مملکت آصف علی زرداری سے آسٹریلیا کے ہائی کمشنر نیل ہاکنز کی ملاقات
-
حکومت مہنگائی و بے روزگاری پر قابو پانے، معاشی استحکام اور برآمدات میں اضافہ کیلئے پرعزم ہے، کاروباری برادری کی معاونت سے آئندہ پانچ سال کے دوران اپنی برآمدات کو دوگنا کرنے کا تہیہ کیا ہوا ہے، وزیراعظم ..
-
وزیراعظم شہبازشریف کی زیر صدارت سندھ میں وفاقی حکومت کے ترقیاتی منصوبوں کے حوالہ سے اجلاس، سرکاری و نجی اشتراک کے تحت بننے والے کامیاب منصوبوں کے حوالے سے بریفنگ
-
پاک ایران تجارتی معاہدوں پر امریکی دھمکی ورلڈ آرڈر کی ناکام صورتحال میں ناکارہ دھمکی ہے
-
سپیکر قومی اسمبلی سے پرتگال کے سفیر کی ملاقات، دونوں ممالک کے تعلقات مزید مستحکم بنانے کے عزم کا اعادہ
-
موٹروے پر پولیس اہلکار کو ٹکر مار کر فرار ہونے والی خاتون گرفتار کر لی گئی
-
بلو رانی والے الفاظ ایف آئی آر میں کہاں ہیں؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.